Tre orë para kryeministrisë, të hënën te parlamenti/ Premtimi i Berishës: PD në qeverisje dyfishon pagat

Nga OraNews Përditësimi i fundit 11 Shkurt 2023, 19:50

Sali Berisha thirri në protestë opozitën para të cilëve shpalli nisjen e "revolucionit demokratik", i cili thotë se do të përfundojë me largimin e Edi Ramës.

Poshtë zyrës së kreut të qeverisë, Kryeministrit i kërkoi të largohet.

"Ditën e madhe të siparit të revolucionit demokratik. Është akt revolucionar të thuash të vërtetën në kohë gënjeshtre."

Poll

Çështjen “McGonigal”, zbulimi i të cilës i nxori në shesh, Berisha e cilësoi "Watergate" të shekullit 21.

"Korruptoi dhe përdori si vrasës me pagesë kundër opozitës perndimore të Shqipërisë dhe pluralizmit politik".

SHBA dhe BE i bëri thirrje të hetojnë se çfarë ndodhi me opozitën shqiptare.

"Jemi sot më të fuqishëm se e duam me gjithë zemër Shqipërinë."

Edi Ramën e quajti kryeministrin më të korruptuar në botë dhe rrezik madhor për sigurinë e Shqipërisë, rajonit dhe më gjerë.

"Largohu, nisu aty ku e ke vendin, te shtylla e turpit në banesën e tradhëtarëve!"

Sali Berisha u zotua se pas ardhjes në pushtet të Partisë Demokratike, do të amnistohen të gjitha detyrimet që do të krijohen gjatë qeverisjes Rama.

Premtoi se vendimi i parë do të jetë dyfishimi i rrogave.

"Pas përmbysjes së këtij regjimi me votën e lirë të shqiptarëve do të jetë dyfishimi i rrogave, minimumi jetik për çdo shqiptar aq sa është rroga minimale. Do të jetë përgjysmimi i sigurimeve shoqërore për fermerët dhe subvencion për çdo prodhim të tyre, do të jetë rikthimi i çmimit të energjisë në 7 lekë për famijarët dhe 6 lekë për bizneset, do të jetë përgjysmimi i taksave për naftën."

Kryedemokrati Berisha, shqiptarët i ftoi ti bashkohen të hënën para parlamentit.

"Revolucioni na fton, të gjithë para parlamentit! Revolucioni vazhdon!"

Pasi zbriti nga podiumi në bulevardin "Dëshmorët e Kombit", Sali Berisha shënjoi me ndalesa ato që i quajti institucionet e krimit e korrupsionit, sipas praktikës së paralajmëruar Name and Shame.

"Kjo ndërtesë është shndërruar në simbolin e të keqes."

Protesta mbaroi me rikthimin në selinë e Partisë Demokratike.

Të gjitha zhvillimet rreth protestës së sotme të opozitës para Kryeministrisë, 11 shkurt 2023

Ora 19:34- Protesta e opozitës, kapet në bulevard një 21-vjeçar me uniformë dhe stema false të policisë

Ora 19:24- Protesta e opozitës në Tiranë, jehonë edhe në mediet ndërkombëtare

Ora 18:09- Boçi për Ora News: Berisha prezantoi një pjesë të programit, vendi duhet të shkojë në zgjedhje të parakohshme

Ora 17:06- Shoqërimet e protestuesve, Baçi: Presion që mos të marrin pjesë në protestat e ardhshme

Ora 16:58- Ndoka: Pas protestës së sotme, gjykata t’i japë vulën e PD-së dhe PS-së Foltores, Edi dorëhiqu!

Ora 16:48- Grimci: Protesta ishte madhështore, arriti qëllimin e saj

Ora 16:28- "Protesta ishte paqësore", Bylykbashi: Të gjithë të ndaluarit do lirohen, veprimet tona vetëm në rritje

Ora 15:39- Tymuese e shtyrje me policët, shoqërohen tre protestues

Ora 15:51- "Do të respektojmë zinë nëse…", Berisha pas protestës: Rama e mori mesazhin