Premtimi i fëmijërisë bëhet realitet/ Pedro Porro ia dhuron gjyshit medaljen e artë të Botërorit

Futbollisti i Spanjës dhe i Tottenham Hotspur, Pedro Porro, ka realizuar një premtim të bërë që në fëmijëri, duke ia dorëzuar gjyshit të tij medaljen e artë të Kupës së Botës.

Pas triumfit me kombëtaren spanjolle në Botëror, Porro vendosi që çmimin më të madh të karrierës së tij t’ia dedikonte personit që e mbështeti që në hapat e parë të rrugëtimit të tij në futboll.

Gjyshi i tij kishte udhëtuar për vite me radhë mijëra kilometra për ta shoqëruar në stërvitje dhe ndeshje, duke i qëndruar pranë edhe në momentet kur ëndrra për t’u bërë futbollist profesionist dukej e largët.

I frymëzuar nga sakrifica e tij, Porro i kishte premtuar se një ditë do të bëhej kampion bote me Spanjën. Vite më vonë, ai e mbajti fjalën.

Pas kthimit nga Botërori, mbrojtësi spanjoll vizitoi gjyshin e tij dhe ia vendosi medaljen e artë në qafë, në një moment të mbushur me emocion.

“Mision i kryer”, tha Porro, ndërsa videoja e këtij takimi u shpërnda gjerësisht në rrjetet sociale, duke prekur mijëra tifozë në mbarë botën.