KUVENDI SOT NË SEANCË/ Ministri i Financave përballet me interpelancën ndërsa opozita paralajmëron bojkotin

Kuvendi i Shqipërisë zhvillon sot seancën e radhës plenare, me një axhendë që përfshin interpelancën me ministrin e Financave, Petrit Malaj, shqyrtimin e disa projektligjeve dhe miratimin e rezolutave për veprimtarinë e institucioneve gjatë vitit 2025.

Në fillim të seancës është parashikuar interpelanca me ministrin e Financave, e kërkuar nga deputetja e Partisë Demokratike, Jorida Tabaku.

Më pas, deputetët do të shqyrtojnë një sërë projektligjesh që lidhen me bujqësinë, menaxhimin e kimikateve, akuakulturën, mbrojtjen e tokës bujqësore, si dhe ratifikimin e disa marrëveshjeve ndërkombëtare.

Në rendin e ditës përfshihet edhe marrëveshja e huas me Bankën Evropiane për Rindërtim dhe Zhvillim për rehabilitimin e hekurudhës Tiranë-Durrës dhe zgjerimin e lidhjes hekurudhore me Aeroportin Ndërkombëtar të Tiranës, si dhe marrëveshja për bashkëpunim teknik me Gjermaninë.

Seanca do të vijojë me shqyrtimin e projektligjit për librin, emërimin e një anëtari të Këshillit të Statistikave dhe miratimin e rezolutave për vlerësimin e veprimtarisë së institucioneve, mes tyre Komisioni Qendror i Zgjedhjeve, Banka e Shqipërisë, Autoriteti i Mbikëqyrjes Financiare, INSTAT, RTSH, AMA, Enti Rregullator i Energjisë dhe Enti Rregullator i Ujit.

Ndërkohë, opozita ka paralajmëruar se do të bojkotojë edhe këtë seancë plenare, duke vijuar të njëjtin qëndrim të mbajtur edhe në mbledhjen e fundit të Kuvendit.

Rendi i Ditës:
1. Miratimi i procesverbalit të seancës plenare të datës 13.7.2026.

2. Njoftime.

3. Interpelancë me Ministrin e Financave, z. Petrit Malaj, kërkuar nga deputetja Jorida Tabaku.

4. Projektligji “Për dëftesat tregtare mbi produktet bujqësore”.

5. Projektligji “Për censin e bujqësisë”.

6. Projektligji “Për disa ndryshime dhe shtesa në ligjin nr. 27/2016, “Për menaxhimin e kimikateve”, të ndryshuar”

7. Projektligji “Për një ndryshim në ligjin nr. 103/2016, “Për akuakulturën””.

8. Projektligji “Për disa shtesa dhe ndryshime në ligjin nr. 9244, datë 17.6.2004, “Për mbrojtjen e tokës bujqësore”, të ndryshuar”.

9. Projektligji “Për ratifikimin e marrëveshjes, ndërmjet Këshillit të Ministrave të Republikës së Shqipërisë dhe qeverisë së Republikës Federale të Gjermanisë, për bashkëpunim teknik 2025”.

10. Projektligji “Për ratifikimin e marrëveshjes së huas, ndërmjet Republikës së Shqipërisë dhe Bankës Evropiane për Rindërtim dhe Zhvillim, për hekurudhat shqiptare – rehabilitimi i hekurudhës TiranëDurrës dhe ndërtimi i lidhjes hekurudhore me Aeroportin Ndërkombëtar të Tiranës: zgjerimi i projektit”.

11. Projektligji “Për ratifikimin e Konventës për Byronë e Konferencës Evropiane të Aviacionit Civil, bërë në Bernë, më 30 gusht 2025″.

12. Projektligji “Për disa shtesa dhe ndryshime në ligjin nr. 9616, datë 27.9.2006, “Për librin në Republikën e Shqipërisë”, të ndryshuar”.

13. Projektvendim “Për emërimin e një anëtari të Këshillit të Statistikave”.

14. Miratimi i projektrezolutës “Për vlerësimin e veprimtarisë së Komisionit Qendror të Zgjedhjeve për vitin 2025″.

15. Miratimi i projektrezolutës “Për vlerësimin e veprimtarisë së Inspektorit të Përgjithshëm të Inspektoratit të Lartë të Deklarimit dhe Kontrollit të Pasurive dhe Konfliktit të Interesave për vitin 2025”.

16. Miratimi i projektrezolutës “Për vlerësimin e veprimtarisë së Bankës së Shqipërisë për vitin 2025”.

17. Miratimi i projektrezolutës “Për vlerësimin e veprimtarisë së Autoritetit të Mbikëqyrjes Financiare për vitin 2025″.

18. Miratimi i projektrezolutës “Për vlerësimin e veprimtarisë së Institutit të Statistikave për vitin 2025”.

19. Miratimi i projektrezolutës “Për vlerësimin e veprimtarisë së Autoritetit të Komunikimeve Elektronike dhe Postare për vitin 2025”.

20. Miratimi i projektrezolutës “Për vlerësimin e veprimtarisë së Radiotelevizionit Shqiptar për vitin 2025”.

21. Miratimi i projektrezolutës “Për vlerësimin e veprimtarisë së Autoritetit të Mediave Audiovizive për vitin 2025”.

22. Miratimi i projektrezolutës “Për vlerësimin e veprimtarisë së Entit Rregullator të Energjisë për vitin 2025”.

23. Miratimi i projektrezolutës “Për vlerësimin e veprimtarisë së Entit Rregullator të Ujit për vitin 2025”.

24. Diskutime për çështje jashtë rendit të ditës.