Operacioni "Bosphorus", detaje të reja nga Policia: 9 të arrestuar në Shqipëri, 7 armë të sekuestruara

Operacioni "Bosphorus", detaje të reja nga Policia: 9 të

Policia e Shtetit reagon lidhur me operacionin ndërkombëtar “Bosphorus”, i zhvilluar në 24 shtete në datat 2 nëntor – 11 nëntor.

Sipas policisë, “në Shqipëri, në kuadër të operacionit, me qëllim raportimin nëpërmjet Siena, nuk ka patur raste të konstatimit/sekuestrimit të armëve të konvertuara apo gazi apoalarim, por janë sekuestruar  7 armë zjarri, nga këto: 3 pistoleta, 3 automatikë dhe 1 mitraloz, 881 fishekë, sasi të vogla cannabis sativa, paketa cigaresh dhe 2 dokumente false (Leje qëndrimi dhe leje drejtimi polake), si dhe janë arrestuar 9 persona”.

"24 vende të Europës si Shqipëria, Belgjika, Bullgaria, Kroacia, Qiproja, Republika Çeke, Danimarka, Estonia, Franca, Gjermania, Greqia, Hungaria, Letonia, Lituania, Luksemburgu, Holanda, Maqedonia e Veriut, Norvegjia, Polonia, Portugalia, Rumania, Spanja, Suedia dhe MB, të mbështetura nga Komisioni Evropian, Ekspertët Evropianë të Armëve të Zjarrit dhe Eurojust, përfshirë dhe Europolin, kanë qenë pjesë e një operacioni që ka synuar alarmin dhe sinjalizimin e armëve të prodhuara nga Turqia në mënyrë ilegale të trafikuara nëpër Europë nga Bullgaria dhe shtetet e tjera", thuhet në njoftimin për shtyp të Policisë së Shtetit, e cila jep edhe detaje nga ky operacion.

"Midis datës 02 dhe 11 nëntor, operacioni vjetor “BOSPHORUS” u përfundua me ditë të veprimit të përbashkët. Gjatë harkut të ditëve të veprimit, oficerët e policisë nga Shqipëria, Greqia, Portugalia dhe Rumania kryen 81 kontrolle banesash.

Këto hetime çuan në arrestimin e 11 personave dhe në konfiskim e 191 armë zjarri, 3714 gëzhoja municionesh, sasi të vogla droge përfshirë hashash (cannabis sativa) dhe kokaië, paketa cigaresh të pavulosura, 1 automjet, 164 cope lëndë piroteknike, dokumente identifikimi false.

Rezultatet paraprake: Para ditëve të veprimit, të gjitha vendet pjesëmarrëse kryen aktivitete dhe hetime të ndryshme që çuan në kapjen shtesë të 1 585 armëve të zjarrit".

Fillimi i operacionit

"Drejtuesi i operacionit, mbi veprimtarinë e armëve të zjarrit të EMPACT nga Policia rumune koordinoi një operacion me mbështetjen e Bullgarisë, Spanjës dhe Europol-it. Kuadri për javët e veprimit të përbashkët konsistonte në një punë operative në rrjedhën e sipërme të kryer duke mbledhur informacione inteligjente, kontroll të bazave të të dhënave dhe analiza operacionale të blerësve të armeve në vendet e Bashkimit Europian nga tregtarët bullgarë të armëve të zjarrit.

Europol siguroi mbështetje të mëtejshme gjatë ditëve të veprimit me shkëmbimin e informacionit dhe komunikimin në kohë reale midis vendeve pjesëmarrëse".

Çarmatosja e kriminelëve

"Në vitet e fundit, armët e alarmit dhe sinjalit janë bërë jashtëzakonisht të popullarizuara në mesin e kriminelëve dhe paraqiten në shifra të konsiderueshme në rastet e trafikimit të  armëve të  zjarrit dhe konfiskimeve. Kjo për faktin se ato mund të shndërrohen lehtësisht në armë vdekjeprurëse dhe janë më të lira për t’u blerë.

Europol luan një rol kryesor në mbështetjen e shteteve anëtare për të luftuar rrjetet kriminale të përfshira në trafikimin e paligjshëm të armëve dhe eksplozivëve.

Si pjesë e një strategjie më të gjerë për të identifikuar rrjetet kriminale që furnizojnë grupe terroriste me armë zjarri dhe municione, ekspertët e Europol-it punojnë në mënyrë të pandalur me ekspertë të luftës kundër terrorizmit në hetimet ndërkombëtare"

Plot 24 shtete europiane u angazhuan në një operacion ndërkombëtar kundër trafikimit të armëve  me origjinë turke në BE-së. Trafiku I armëve kryhej përmes Bullgarisë dhe shteteve të tjera.   

Operacioni u kodua “BOSPHORUS” dhe u drejtua nga  policia rumune dhe pjesë e tij ishte edhe Shqipëria, informoi mëngjesin e sotëm Europol.

Autoritetet mblodhën prova dhe analizuan blerësit dhe shitësit e armëve të zjarrit në fillim të këtij viti për të mundësuar një seri hetimesh dhe aktivitetesh në një nivel kombëtar.

Operacioni çoi në 11 arrestime dhe në 1.776 armë zjarri të sekuestruara në spastrim ndërkombëtar kundër trafikimit të paligjshëm të armëve të prodhuara në Turqi.

Vendi Lajme policia e shtetit Kronike Aktualitet armë bosphorus operacioni ndërkombëtar

EMISIONET