Franca goditet nga vala e të nxehtit! Rreth 9,000 fatalitete të regjistruara gjatë qershorit

Franca ka regjistruar rreth 9,000 vdekje të certifikuara elektronikisht gjatë periudhës 22–28 qershor, në kulmin e një vale ekstreme të të nxehtit që përfshiu vendin.

Sipas të dhënave paraprake të Institutit Kombëtar të Statistikave dhe Studimeve Ekonomike (INSEE), gjatë kësaj periudhe janë shënuar 2,025 vdekje shtesë krahasuar me mesataren normale, duke ngritur shqetësime për ndikimin e temperaturave ekstreme në shëndetin publik.

Autoritetet franceze theksojnë se shifrat janë ende paraprake, pasi certifikatat elektronike të vdekjes mbulojnë rreth 60% të rasteve në nivel kombëtar dhe nuk pasqyrojnë plotësisht situatën reale.

Ministrja franceze e Shëndetësisë, Stéphanie Rist, ka deklaruar se të dhënat duhet të interpretohen me kujdes dhe se analiza të mëtejshme janë në vijim për të përcaktuar ndikimin e plotë të valës së të nxehtit.

Ndërkohë, temperaturat në disa rajone kanë kaluar 35°C, duke rënduar më tej situatën në spitale dhe në shërbimet emergjente./AA