VIDEO/ Pamjet që po bëjnë xhiron e botës, Yamal shfaqet duke bërë pazare në Amerikë

Kupa e Botës 2026 po u ofron futbollistëve jo vetëm emocione sportive, por edhe mundësinë për të përjetuar një jetë më normale larg vëmendjes së vazhdueshme që i ndjek në Europë.

Një nga shembujt më të spikatur është ai i Lamine Yamal, talentit të jashtëzakonshëm të kombëtares së Spanjës, i cili konsiderohet nga shumë analistë si një nga futbollistët më të mirë në botë aktualisht.

Sipas mediave amerikane, Yamal është parë duke bërë pazar në një supermarket në zonën e Fort Oglethorpe, pranë Chattanooga-s, pa tërhequr vëmendjen masive që zakonisht do të përjetonte në vendlindjen e tij.

Në Barcelona, ku fama e tij është në nivele të jashtëzakonshme, një dalje e thjeshtë në supermarket do të ishte pothuajse e pamundur pa u rrethuar nga tifozë dhe media. Ndërsa në Shtetet e Bashkuara, ku futbolli ende nuk ka të njëjtën peshë kulturore si sportet e tjera, ylli spanjoll mund të lëvizë me më shumë qetësi dhe privatësi.

Yamal u bë i njohur në mbarë botën që në moshën 16-vjeçare falë paraqitjeve mbresëlënëse me Barcelona dhe kombëtaren spanjolle, duke u kthyer shpejt në një nga figurat më të ndjekura të futbollit europian.