PD: Janë kapur gjithë institucionet e luftës ndaj krimit dhe korrupsionit

Nënkryetari i grupit parlamentar demokrat, Eduard Halimi dhe nënkryetari i komisionit parlamentar të Ligjeve Oerd Bylykbashi pritën në një takim në selinë e Partisë Demokratike, Prokurorin e Përgjithshëm të Kroacisë Dinko Cvitan dhe drejtuesin e misionit Euralius dhe bashkëpunëtorët e tyre.

Halimi theksoi se Shqipëria ka shumë për të mesuar nga eksperienca e konsolidimit të institucioneve dhe pavarësisë së tyre nga politika si kusht për besueshmerine ndaj tyre, në luftën ndaj krimit të organizuar dhe korrupsionit.

“Fatkeqësisht Shqipëria nuk po ndjek rrugën e BE për forcimin e instituioneve por vetëm kapjen e tyre për ti pasur si fasade”, tha Halimi.

Sipas demokratëve, një KLD që ka ne krye ka zv-ministrin e PS, ish-gjyqtarin e vendimeve të tmerrshme të diktaturës, avokatin e PS dhe miiltanten e PS, nuk përbën asnjë garanci për një gjyqësor të pavarur dhe jo të korruptuar.

“Rrëzimi i pandërprerë i kandidaturave të Presidentit për në Gjykatën e Lartë, pa asnjë shkak, dhe miratimi i një ligji për Gjykatën e Lartë ku i merret kompetenca Presidentit dhe i lihet një këshilli me prezencë të Minisitrit, nuk i shërben forcimit të pavarsise, as besueshmerise dhe as luftës kundër korrupsionit, por kapjes politike të institucioneve.

Ngritja e Byrosë së hetimit, jo pranë prokurorise si institucion i pavarur por nën varësinë e ministrit, njëkohesisht kryetar i PS për Tiranen, nuk jep garanci për pavarësinë dhe besueshmerine e hetimeve, por për perdorimin politik të këtij instrumenti.

Emërimi në krye të Pastrimit të Parave të trezorierit të PS-së për gjithë Shqiperine, nuk jep garanci, dhe as besueshmeri për hetim të paanshem të pastrimit të parave dhe financimit të partive politike, forcim të institucionit, por vetem përdorimin politik të këtij institucioni".

Prokurori i Përgjithshem i Kroacisë theksoi se është shume e rëndësishme që institucionet të kenë në krye njerëz me integritet dhe që politika të rrijë larg atyre.

“Vetem qendrimi i institucioneve të pavarura dhe larg ndikimit politik dhe vullneti i hekurt i të gjitha palëve është celësi i suksesit të luftës ndaj krimit të organizuar dhe korrupsionit”, u shpreh kryeprokurori kroat.