Djegësi i Elbasanit/ A ekziston kontrata për impiantin e energjisë?

SPAK është dorëzuar përballë zhdukjes fizike të kontratës koncesionare për sterilizimin.

E ky është një skandal më vete që kërkon vënien para përgjegjësisë të autorëve të mundshëm.

Në vorbullën e kësaj zallamahie korruptive natyrshëm lindin shumë pikëpyetje.

Midis tyre ajo për kontratën e datës 23 nëntor 2016, të nënshkruar midis MEI dhe ALBTECH “PËR NDËRTIMIN DHE SHFRYTËZIMIN E NJË IMPIANTI ME RIKUPERIM TË ENERGJISË NGA TRAJTIMI I MBETJEVE URBANE NË QYTETIN E ELBASANIT”, e cila i zgjati koncesionin Albtech për 25 vite.

A ekziston fizikisht kjo kontratë?!

E ka sekuestruar SPAK?

Sepse ajo ka përshkruar një fat të çuditshëm.

I pari që ngriti shqetësimin për mospublikim e saj ishte gazetari ivestigativ ARTAN RAMA, i cili denoncoi që në 2020 parregullsitë korruptive të saj.

Një shkrim bombë ky.

Madje gazetari u pengua me dhunë me ditë të tëra të dëshmonte në komisionin hetimor, gjoja se kishte një akt-padi nga ALBTECH.

Jo vetëm kaq:

-Kontrata nuk mund të gjendet e aksesohet online në asnjë formë kërkimi në faqen e ËEB të ministrisë përgjegjëse. As në ndonjë server tjetër qeveritar.

-Madje dhe në ekstraktin e saj në Qendrën e Biznesit, ALBTECH nuk e pasqyron dhe as e përmend fare, ndërkohë që ka të cituar kontratën e parë të koncesionit 16.12.2014 dhe VKM e datës 09.11.2016 për këtë çështje.

Pjesë të saj me foto janë vetëm në raste denoncimesh dhe nuk mund të administrohen si fakte.

SPAK, m.q.s u dogj nga qulli(sterilizimi) duhet t’i fryjë kosit-thotë populli.

Duhet të sekuestrojë, nëse nuk e ka bërë këtë kontratë. Brenda saj ka shumë “xhevahire”!

luçiano boçi