Gruevksi: Liderët e Ballkanit të bëjnë kujdes me deklaratat

Nga OraNews Përditësimi i fundit 28 Maj 2015, 10:51

Kryeminsitri maqedonas, Nikolla Gruevski, u bë pjesë e forumit, të organizuar sot në Tiranë në një moment delikat për raportet mes Shqipërisë e Maqedonisë, pas ngjarjeve në Kumanovë, pas të cilave kryeministri Edi Rama i kujtoi atuoriteteve atje të respektojnë marrëveshjen e Ohrit për t'u bërë anëtarë të NATO-S. Gruevski: “Një ndër gjërat e rëndësishme janë marrëdhëniet e fqinjësisë së mirë mes nesh mes vendeve të rajonit. Sepse me bashkëpunim të mirë, projekte të përbashkëta ekonomike mund të ecim përpara dhe të ndihmojmë njëri tjetrin. Bashkëpunimi rajonal mbledh të gjithë udhëheqësit e vendeve të Europës juglindore dhe duhet të jenë të kujdesshëm e të përgjegjshëm në deklaratat në mesazhet që dërgojnë sepse pjesa më e madhe e qytetarëve tanë i ndjekin këto mesazhe dhe çdo mesazh i thënë në mënyrë jo të përshtatshme në mënyrën jo të duhur mund të krijojë një ndesi negative tek qytetarët dhe nuk do të ishte e mirë dhe do ishte e vështirë më pas të të zgjidhnim këtë ndjesi.” Kryeministri Gruevksi bëri me faj fqinjin e saj Greqinë që Maqedonia nuk është në familjen e BE-së dhe të NATO-s që sipas Gruevskit do të bënte që Maqedonia të kishte një rrjedhë tjetër. "Në vendin tonë i cili është multietnik do doja të thoja që integrimi europian dhe atlantik është një faktor kryesor koheziv mes komunitete të ndryshme etnike. Nga ky këndvështrim Maqedonia është e përqëndruar në reformat në çdo fushë të cilat nevojiten për tu zbatuar sa më shpejt dhe për të qenë e përgatitur për tu bashkuar në BE” Cfare deklaroi Rama me 20 maj 2015 : Të zbardhet “Kumanova”. S’ka NATO pa zbatimin e “Ohrit”

Edi Rama: “Për Maqededoninë kemi mbajtur gjithmonë një qëndrim të qartë dhe mbështetës por ndaj të cilës kemi qenë po ashtu të detyruar që edhe në Samitin e Wellsit të kërkojmë respektimin deri në fund të Marrëveshjes së Ohrit.

Do të ishte thjesht e pamundur që unë t’i shmangesha në këtë moment dy fjalëve për Maqedoninë e tragjedinë e Kumanovës ku fatkeqësisht fjala terrorizëm dhe fjala shqiptar u bënë bashkë në një përpjekje të rrezikshme për t’i dhënë terrorizmit një prapashtesë etnike dhe etnisë një parashtesë paragjykuese.

Kjo është e papranushme jo vetëm për ne por dhe për vetë interesin e Maqedonisë dhe autoritetet maqedonasde duhet ta kenë shumë të qartë. Shqiptarët kanë qenë janë dhe mbeten një faktor shtet formues i patjetërsueshëm, i padiskutueshëm dhe i pazevëndësueshëm për integritetin e shetit maqedonas.

Dhe asgjë më e gabuar dhe asgjë më e rrezikshme nuk mund të na ndodhë të gjithëve ne në këtë betejë të përbashkët kundër terrorizmit sesa të përziejmë termin terrorist në trajtimin e çështjeve që nuk kanë të bëjnë me terrorizmit por demokracinë dhe në trajtimin e fenomeneve që nuk janë kërcënime terroriste por shprehje të problematikës së ngarkuar të degradimit të demokracisë.

Përzierja e termit terrorist në trajtimin e tragjedisë së Kumanovës është e patolerueshme siç do të jetë e patolerueshme për shtetin dhe qeverinë shqiptare vonesa dhe ende më keq mungesa e transparencës dhe e drejësisë për terrorin dhe dëmet që pësuan banorët e pafajshëm të Kumanovës”

Shqipëria e të gjithë ne duam një Maqedoni të qëndrueshme por jo të pajetueshme.

Një Maqedoni demokratike për të gjithë që duhet të jetë pjesë e NATO-s por s’mund të jetë pjesë e saj pa trajtuar në frymë e në gërmë vlerat eparimet që e bëjnë NATO-n jo një klub ushtarak por një aleancë të popujve e vendeve demokratike në mbrojtje të paqes dhe të drejtës së çdo populli për të jetuar i lirë dhe për të qenë i mbrojtur nga kërcënimi i jashtëzakonshëm i terrozimit

Që do të thotë se Maqedonia nuk mund të bëjë pjesë në NATO pa respektuar në frymë e në gërmë Marrëveshjen e Ohrit“

Çfarë deklaroi Rama më 27 maj 2015 : S’kam shpallur veto, dhe s’kam kërcënuar

Edi Rama: “As kam kërcënuar dhe as kam shpallur ndonjë qëndrim për veto, fjalën veto e keni vënë ju (i drejtohet gazetarëve) me ndihmën e mendimtarëve dhe politikanëve të caktuar të Tiranës.

"Ne jemi anëtarë të NATO-s e flasim në emër të NATO-s kur është fjala për të. Nuk është as kërcënim dhe as bllokim por vetëm qëndrim. Mbrëmë morën me kenaqësi dhe konfirmimin e vizitës së kryeministrit Gruevksi këtu për të qenë të pranishëm në takimin e nesërm"

" Ngjarja në Kumanovë vërtetoi brishtësinë e paqes të ëndërruar kaq gjatë në Ballkan dhe për Ballknin. Shqipëria e sheh si interes të padiskutueshëm të sajin dhe të shqiptarëve në Maqedoni integritetin territorial dhe funksionimin e Maqedonisë."

"Cënimi i integritet dhe mosfunskinimi në Maqedoni është e paparanueshme për ne. Ne duam që marrëveshja e Ohrit të zbatohet. Shqiptarët dhe maqedonasit janë faktorë shtetformues.

Jemi kundër ndasisë ndëretnike. Të gjitha vendet në rajon dhe përtej të distancohen nga thirrje të tilla. Këto shfaqje i takojnë një Ballkani të së shkuarës, që nuk kanë lidhje me përpjekjen tonë për Ballaknin e sotmë dhe të nesërm."