Kur fëmijët vrasin fëmijë të tjerë

“I habitur - i shtangur- i pafuqishëm”. Këto tre fjalë janë shkruar në një faqe të librit të ngushëllimeve në kishën protestante në Freudenberg për 12-vjeçaren Luisa që u gjet e vrarë.

Ato shprehin atë që shumë njerëz në qytetin e vogël po ndiejnë tani.

Që nga fundjava, qyteti mban zi për nxënësen 12-vjeçare që u vra në një zonë të pyllëzuar teksa kthehej në shtëpi pasi kishte vizituar një shoqe.

Dhe tani del lajmi se autorët e dyshuar janë ende fëmijë.

Dy vajza të moshës 12 dhe 13 kanë rrëfyer se kanë vrarë Luisën me plagë të shumta me thikë.

Fëmijët njiheshin me njëri-tjetrin. Pse duhej të vdiste nxënësja? Dhe pse dy fëmijë kryen një akt kaq të urryer?

Autoritetet hetuese ngurrojnë t'u përgjigjen këtyre pyetjeve.

"Autorët e dyshuar duhet të mbrohen pikërisht sepse janë ende fëmijë", theksoi prokurori i lartë i Koblenz, Mario Mannëeiler.

Në të thuhet vetëm sa vijon: “Motivi i kryerjes së një krimi për një fëmijë mund të mos jetë i dukshëm për një të rritur”.

Duke marrë parasysh plagët e shumta me thikë të viktimës, autoritetet supozojnë se "duhet të ketë qenë rezultat i stresit emocional".

Krimet e tmerrshme që përfshijnë autorë fëmijë janë në rritje

Është mjaft e rrallë që fëmijët nën moshën 14 vjeç të kryejnë akte dhune si lëndime të rënda trupore, abuzime seksuale ose vrasje.

Në vitin 2021, numri i fëmijëve të dyshuar për krime të tilla u rrit në shkallë vendi krahasuar me një vit më parë (7,477 kundrejt 7,103).

Megjithatë, krahasuar me vitin 2019, viti 2021 pati një rënie prej rreth 10%.

Në rastin e krimeve kundër jetës, shifrat janë jashtëzakonisht të ulëta: në vitin 2021, në shkallë vendi ishin 19 fëmijë të dyshuar për krime të tilla, nga të cilët katër ishin vajza.

Dhe për të kuptuar raportin: sipas Zyrës Federale të Statistikave, këtë vit në Gjermani jetonin rreth 8.5 milionë fëmijë nën moshën 14 vjeç.

Kryeministri i Nordrhein-Westfalen, Hendrik Wust (CDU) foli për një rritje alarmante në shtet.

“Ne jo vetëm duhet ta monitorojmë nga afër këtë zhvillim, por edhe ta hetojmë, të gjejmë shkaqet dhe të marrim masa parandaluese”, theksoi ai.

"Vepra në Freudenberg do të lërë gjurmë përtej vdekjes së tmerrshme të Luisës."

Pasojat e këtij akti për komunitetin lokal dhe shkollor mund vetëm të imagjinohen, tha Ëust.

Pyetje pa përgjigje për krimin

Në vendngjarje ende nuk ka asnjë gjurmë të armës së vrasjes.

Vendi ku u gjet trupi i Luise që me siguri është edhe vendi i vrasjes, është thellë në pyll në kufirin e North Rhine-Westfalia dhe Rheinland-Pfalz.

Freudenberg është disa kilometra larg.

Telefonat celularë nuk kanë sinjal këtu. Terreni është i ashpër dhe vetëm një shteg biçikletash të çon nëpër luginë.

Në fakt, Luisa nuk duhej të kalonte atje për të shkuar në shtëpi. Hetuesit nuk thonë asgjë se çfarë i solli tre vajzat këtu.

Në çdo rast, vrasja e Luisës nuk do të ketë pasoja penale.

Drejtësia arrin kufijtë e saj sepse autoret janë ende shumë të vogla për t'u ndëshkuar.

Fëmijët nën moshën 14 vjeç nuk e kanë arritur moshën e përgjegjësisë penale, edhe për një krim kaq të rëndë si vrasja ose vrasja nga pakujdesia.

“Ne po e lëmë çështjen në duart e autoriteteve për brezin e ri”, tha Prokurori i Qarkut Manëeiler.

Dy autoret e dyshuara tashmë janë “nën kujdesin e Mirëqenies së të Miturve”.

Psikologët, psikiatrit dhe prindërit duhet të kalojnë në veprim.

"Puna e vërtetë sapo ka filluar."