Marc Marquez sundon në Sachsenring, spanjolli fiton edhe Garën Sprint dhe lë rivalët pas

Marc Marquez vazhdon të shkëlqejë në pistën e Sachsenring. Piloti spanjoll ka fituar edhe Garën Sprint të Çmimit të Madh të Gjermanisë, duke regjistruar triumfin e dytë radhazi në këtë pistë dhe duke çuar në 19 numrin e fitoreve në garat e shkurtra.

I nisur nga pole position, Marquez e kontrolloi garën gjatë të gjitha 15 xhirove, duke mos lejuar asnjë rival t’i afrohej seriozisht.

Pas tij u rendit vëllai i tij, Alex Marquez, ndërsa podiumi u plotësua nga Fabio Di Giannantonio, duke ruajtur të njëjtin renditje si në provat zyrtare.

Në vendet pas podiumit u pozicionuan Ai Ogura dhe Raul Fernandez, ndërsa lideri i kampionatit, Jorge Martin, e mbylli garën në vendin e gjashtë. Francesco Bagnaia pati një paraqitje më të vështirë, duke përfunduar i shtati pasi e nisi garën nga pozicioni i 11-të.

Marco Bezzecchi nuk mori pjesë në Garën Sprint pas një dëmtimi të pësuar gjatë kualifikueseve, ku një rrëzim i shkaktoi një frakturë në klavikul.

Pas kësaj gare, Jorge Martin vazhdon të kryesojë renditjen e përgjithshme me 197 pikë, duke rritur diferencën me Bezzecchin, i cili ndodhet në vendin e dytë me 186 pikë. Fabio Di Giannantonio renditet i treti me vetëm dy pikë më pak se Bezzecchi.

Ndërkohë, Marc Marquez vijon ngjitjen në klasifikim. Spanjolli ka arritur në 165 pikë dhe ndodhet në vendin e pestë, pas Ai Ogurës, i cili ka vetëm nëntë pikë më shumë.