Policia mësyn Gjykatën e Krujës: Arrestohet gjyqtarja Enkelejda Hoxha, avokati e 8 të tjerë

Gjykata e Krujës është tronditur paraditen e sotme kur policia ka shkuar për të kryer disa arrestime dhe sekuestrim të dosjeve.

Gjyqtarja Enkeleida Hoxha e njohur për lirimin para kohe me kusht të shumë emrave të njohur të botës së krimit u arrestua në sallën e gjyqit në momentin që do të merrte një tjetër vendim për lirimin nga qelia të një të dënuari me 25 vite burg.

Mësohet se Hoxha do të lironte Sajmir Petani i ekstraduar nga Italia për vrasjen e Romeo Beqirit disa vite më parë. Për këtë të dënuar gjyqtarja kishte marrë vendime për ulje dënimi edhe më parë.

Policia mësyn Gjykatën e Krujës: Arrestohet gjyqtarja Enkelejda

SPAK ishte vënë në dijeni dhe kishte vendosur në përgjim ambiental dhe telefonik personat e përfshirë. Mes të arrestuarve është dhe vëllai i tij Bledar Petani, avokati i Sajmirit Aldo Tabaku.

Operacioni është ndërmarrë pas një hetimi disamujor ku SPAK deklaron se u grumbulluan prova të nevojshme "të cilat krijuan dyshimin e arsyeshëm se jemi para veprave penale të korrupsionit në sistemin e drejtësisë, si dhe në atë të shëndetësisë."

Bëhet fjalë për arrestimin e gjyqtares Enkeleida Hoxha, sekretares Manuela Mallakuçi, avokatit Aldo Tabaku dhe Shkëlqim Korbi ekspert psikiatriko – ligjor pranë Institutit të Mjekësisë Ligjore.

SPAK thotë se në skemë është përfshirë edhe shefi i kardiokirurgjisë në QSUT, Edvin Prifti. Ndaj këtij të fundit gjykata ka vendosur pezullimin e ushtrimit të detyrës.

 

https://youtu.be/ezH2PPvfC7U

 

Ekskluzive Dosja e Krujës: Të dënuarit – avokati – gjyqtarja, skema si përfitohej ulja e dënimit kundrejt 6- 12 mijë euro

Gjykata e Posaçme e Shkallës së Parë Për Korrupsionin dhe Krimin e Organizuar me vendimin nr.14 datë 10.02.2021 ka caktuar masat e sigurimit arrest në burg për shtetasit:

 

1- Enkeleida Hoxha, gjyqtare në Gjykatën e Rrethit Gjyqësor Krujë, e dyshuar për veprën penale penale “Korrupsioni pasiv i gjyqtarëve, prokurorëve dhe funksionarëve të tjerë të drejtësisë”, kryer në bashkëpunim, parashikuar nga nenet 319/ç dhe 25 të Kodit Penal;

 

2- Aldo Tabaku, avokat në dhomën e avokatisë Krujë, i dyshuar për veprat penale “Korrupsioni pasiv i gjyqtarëve, prokurorëve dhe funksionarëve të tjerë të drejtësisë”, kryer në bashkëpunim, dhe “Ushtrimi i ndikimit të paligjshëm ndaj personave që ushtrojnë funksione publike”, parashikuar nga nenet 245/1 paragrafi i dytë dhe 319/ç të Kodit Penal.

 

3- Manuela Mallakuçi, sekretare në Gjykatën e Rrethit Gjyqësor Krujë, e dyshuar për veprën penale “Korrupsioni pasiv i gjyqtarëve, prokurorëve dhe funksionarëve të tjerë të drejtësisë” dhe “Korrupsioni aktiv i personave që ushtrojnë funksione publike”, parashikuar nga nenet 319/ç dhe 244 të Kodit Penal;

 

4- Shkëlqim Korbi, ekspert psikiatriko – ligjor pranë Institutit të Mjekësisë Ligjore, i dyshuar për veprën penale “Ekspertim i rremë”, parashikuar nga neni 309/2 i Kodit Penal;

 

5- Sajmir Petani, i dyshuar për veprën penale “Korrupsioni aktiv i gjyqtarëve, prokurorëve dhe funksionarëve të tjerë të drejtësisë”, kryer në bashkëpunim, parashikuar nga neni 319/a i Kodit Penal;

 

6- Bledar Petani, i dyshuar për veprën penale “Korrupsioni aktiv i gjyëqtarëve, prokurorëve dhe funksionarëve të tjerë të drejtësisë”, kryer në bashkëpunim, parashikuar nga neni 319/a i Kodit Penal;

 

7 - Altin Skëndaj, i dyshuar për veprën penale “Korrupsioni aktiv i gjyqtarëve, prokurorëve dhe funksionarëve të tjerë të drejtësisë”, kryer në bashkëpunim, parashikuar nga neni 319/a i Kodit Penal;

 

8- Gazmir Nezaj, i dyshuar për veprën penale “Ushtrimi i ndikimit të paligjshëm ndaj personave që ushtrojnë funksione publike”, kryer në bashkëëpunim, parashikuar nga neni 245/1 paragrafi i parë dhe 25 të Kodit Penal.

 

9- Gentjan Nezaj, i dyshuar për veprën penale “Ushtrimi i ndikimit të paligjshëm ndaj personave që ushtrojnë funksione publike”, kryer në bashkëëpunim, parashikuar nga neni 245/1 paragrafi i parë dhe 25 të Kodit Penal.

 

10- Isuf Tanuzi, i dyshuar për veprën penale “Ushtrimi i ndikimit të paligjshëm ndaj personave që ushtrojnë funksione publike”, kryer në bashkëpunim, parashikuar nga neni 245/1 paragrafi i parë dhe 25 të Kodit Penal.

 

Dosja e korrupsionit në drejtësi

 

Gjithashtu SPAK mëson se gjatë hetimit të këtij procedimi penal është evidentuar edhe një rast korrupsioni në shëndetësi dhe në lidhje me këtë rast Gjykata e Posaçme e Shkallës së Parë Kundër Korrupsionit dhe Krimit të Organizuar me vendimin nr.14 datë 10.02.2021 ka vendosur caktimin e masës së sigurimit ndaj disa shtetasve.

 

Edvin Prifti, mjek kardiokirurg në qendrën spitalore universitare “Nënë Tereza” Tiranë. Ndaj tij është dhënë masë  sigurie pezullimi i ushtrimit të detyrës, I dyshuar për veprën penale “Korrupsioni pasiv I personave që ushtrojnë funksione publike”

 

Trëndafile Frangu, infermiere në  Qendrën Spitalore Universitare “Nënë Tereza” Tiranë. Ndaj saj  është dhënë masë  sigurie pezullimi i ushtrimit të detyrës, e dyshuar për veprën penale “Ushtrim  I ndikimit të paligjshëm të funksionarëve publikë”

 

Migena Skënderi, masë sigurie detyrim për tu paraqitur në policinë gjyqësore. E dyshuar për veprën penale “Ushtrim  I ndikimit të paligjshëm të funksionarëve publikë”

Arrestimet dhe kontrollet
Arrestimet e tyre janë kryer më 11 shkurt 2021 ndërkohë që Gjykata kishte caktuar masën e sigurisë më 10 shkurt.

Gjithashtu janë ushtruar kontrolle mbi 16 banesa dhe zyra të subjekteve të hetuara meqëllim gjetjen dhe sekuestrimin e provave materiale.

 

Hetimet e këtij procedimi penal do të vijojnë me qëllim sqarimin e plotë të rrethanave dhe dërgimin për gjykim të të gjithë të hetuarve në Gjykatën e Shkallës së Parë kundër korrupsionit dhe krimit të organizuar.

 

 
 
 
 

 

https://youtu.be/eKw-APlqHK8

 

Pezullohet puna në gjykate

Sot puna në gjykatën e Krujës, është pezulluar totalisht për shkak të arrestimeve të punonjësve të këtij dikasteri.

 

ILD kerkoi shkarkimin e gjyqtares
Hoxha, momentalisht është në hetim administratim nga KLGJ, pasi Inspektoriati i Lartë i Drejtësisë, ka kërkuar shkarkimin e saj nga detyra për shkak të vendimeve scandalize të lirimit nga burgu të Hekuran Billës, Endrit Dokles i dënuar me burgim të përjetshëm dhe disa personave të tjerë.

 

Gjithashtu Ministrja e Drejtësisë, Etilda Gjonaj ka kërkuar ushtrimin e ndjekjes penale ndaj gjyqtares së Gjykatës së Rrethit Gjyqësor Krujë, znj.Enkelejda Hoxha.

 

 

 

EMISIONET