FOTO/ Behgjet Pacolli në Washington, takohet me kryeministrin e ri të Irakut, si dhe Gjeneralin Clark

Ish-presidenti i Kosovës, Behgjet Pacolli, ka njoftuar për një vizitë të tij në Washington.

Pacolli ka bërë të ditur se atje është takuar edhe me kryeministrin e ri të Irakut, Ali al-Zaidi.

Ai ka takuar edhe figura të tjera gjatë qëndrimit në Washington, sikurse gjenerali amerikan, Wesley Clark.

Postimi i plotë:

Në Washington / ShBA

Gjatë qëndrimit tim në Washington, pata kënaqësinë të takoj Kryeministrin e ri të Republikës së Irakut Dr. Ali al- Zaidi. 

Me këtë rast, pata mundësinë ta informoj për zhvillimet dhe proceset që po kalon Republika e Kosovës, me theks të veçantë në përpjekjet tona për forcimin e subjektivitetit ndërkombëtar dhe promovimin e saj në arenën ndërkombëtare.

Mbrëmjen e djeshme, po në Washington, mora pjesë në një pritje ku Republika e Kosovës ishte një nga temat kryesore të diskutimit. Ishte kënaqësi të isha në shoqërinë e shumë miqve dhe personaliteteve të nderuara. Në mesin e të pranishmëve ishin Kongresmeni nga Arizona Abe Hamadeh, Gjenerali Wesley Clark, këshilltari i Presidentit të Egjiptit, Dr. Omar, si dhe shumë miq të tjerë që më nderuan me praninë dhe miqësinë e tyre.

Një natë më parë, në një pritje tjetër të organizuar në Washington nga këshilltari i Presidentit Trump, Paolo Zampolli, pata rastin të takoj edhe disa miq të rëndësishëm për krijimin e urave të bashkëpunimit dhe promovimit të Kosovës. Aty ishte edhe ylli i futbollit te Kombëtares së Gjermanisë, Antonio Rüdiger.

Takime të tilla janë një mundësi e çmuar për të forcuar miqësitë, për të ndërtuar ura të reja bashkëpunimi dhe për të promovuar interesat e Republikës së Kosovës.