Krim në Greqi! Policja plagoset me th*kë nga bashkëshorti, autori ndërmerr aktin e rëndë në makinë

Një ngjarje e rëndë ka tronditur qytetin e Dramës në Greqinë veriore, ku një efektive policie është plagosur rëndë me thikë nga bashkëshorti i saj, gjithashtu oficer policie.

Sipas informacioneve paraprake, incidenti ndodhi brenda banesës së çiftit.

Pas njoftimit për ngjarjen, forcat e policisë dhe ekipet e emergjencës mbërritën në vendngjarje, ku gjetën gruan në gjendje kritike.

Pas sulmit, autori u largua nga banesa, duke vënë në lëvizje autoritetet për lokalizimin e tij.

Pak më vonë, ai u gjet i pajetë brenda automjetit të tij.

Mediat greke raportojnë se oficeri dyshohet se i ka dhënë fund jetës duke përdorur armën e shërbimit, megjithëse rrethanat e sakta të ngjarjes janë ende nën hetim.

Ndërkohë, policja e plagosur është transportuar me urgjencë në spital, ku po merr trajtim mjekësor. Nuk janë bërë ende publike detaje të mëtejshme mbi gjendjen e saj shëndetësore.

Autoritetet kanë nisur hetimet për të zbardhur shkaqet dhe rrethanat që çuan në këtë tragjedi familjare.