Zyrtarisht i pandehur, SPAK i komunikoi Kreshnik Hajdarit akuzën e falsifikimit të formularëve. Ja sa vite burg rrezikon

Kryebashkiaku i Kuçovës, Kreshnik Hajdari është paraqitur ditën e sotme në SPAK.

Arsyeja e paraqitjes së tij këtë të mërkurë në ambientet e SPAK-ut, është se Kreshnik Hajdari është zyrtarisht me statusin e të pandehurit, pasi prokuorët e posaçëm i kanë  komunikuar akuzën e falsifikimit të formularëve.

Sipas SPAK, kryebashkiaku i Kuçovës, Kreshnik Hajdari nuk deklaroi në formular një dënim në Greqi, në vitin 1999.

Gazetari Edison Vatnikaj është nën akuzë në bazë të nenit 190/2 të Kodit Penal për falsifikimin e formularëve.

Në rast se vërtetohet akuza, atëherë kryebashkiaku Hajdari rrezikon dënim me burg nga 6 muaj deri në 5 vite.

 Avokati i tij, Theodhori Sollaku, dha detaje pas përfundimit të marrjes në pyetje. 

"Ishim për një kallëzim të bërë nga subjektet politike për një dënim qortimi të dhënë në Greqi 25 vjet më parë. Kanë pretenduar se nuk e ka deklaruar.

Nuk ka pasur asnjë vendim të publikuar, asnjë komunikim për këtë vendim. Por edhe nëse do të kishte, nuk do të kishte asnjë pasojë", tha Sollaku.

Një ditë më parë Hajdari kaloi një “sprovë” të vështirë, pasi iu rrezikua mandati sepse nuk kishte deklaruar dënimin me 4 muaj burg, që iu konvertua në shërbim provë në Greqi për kalim të paligjshëm të kufirit.

edison vatnikaj kreshnik hajdari