Anglia triumfon 6-4, por te Franca "shpërthen" pakënaqësia ndaj Çerkit dhe shokëve të tij

Franca mbylli Botërorin me një tjetër zhgënjim, pas humbjes 6-4 ndaj Anglisë në ndeshjen për vendin e tretë. Në qendër të vëmendjes pas sfidës është mesfushori ofensiv Rajan Çerki, i cili nuk arriti të bindë me paraqitjen e tij.

Çerki e nisi ndeshjen si titullar, por u zëvendësua pas përfundimit të pjesës së parë. Gjatë pushimit mes dy pjesëve pati një debat me trajnerin Didier Deshamp, ndërsa performanca e tij gjatë turneut është kritikuar nga mediat franceze.

Edhe sulmuesi Doue është përballur me vlerësime negative, ndërsa ndryshimet e bëra nga stafi teknik ndikuan në ritmin e Francës.

Pas largimit të Çerkit, Doues, Hernandez dhe Konates, skuadra franceze u shfaq më agresive në sulm dhe shënoi tre gola brenda 18 minutash, duke rihapur përkohësisht ndeshjen.

Megjithatë, Anglia arriti të ruajë avantazhin dhe fitoi me rezultatin 6-4, duke marrë medaljen e bronztë të Botërorit.

Pas përfundimit të takimit, vëmendje mori edhe Adrien Rabio, i cili kritikoi sjelljen e disa lojtarëve të skuadrës dhe mungesën e reagimit në momente të rëndësishme.

Për Çerkin, Botërori përfundoi larg pritshmërive, ndërsa paraqitjet e tij kanë hapur diskutime për rolin që ai mund të ketë në të ardhmen me kombëtaren franceze.