Aneta Rama, nëna e kryeministrit Edi Rama dhe e Olsi Ramës, Drejtorit të Përgjithshëm të FK Partizani ndërroi jetë sot në moshën 82-vjeçare.

Zemra e saj ndali rreth orës 04:00 të mëngjesit të ditës së sotme, (1 gusht)

Këtë e bëri të ditur vetë kryeministri përmes një postimi në Facebook.

Mësohet se prej disa ditësh, ajo ka qenë e shtruar në spital dhe vetëm pak ditë më parë ishte kthyer në banesë.

” Ishe drita dhe guri këndor i shtëpisë ku u rritëm e u bëmë burra, e ku mbetëm gjithnjë fëmijë. E di, që deri sa të shoh dot diellin e yjet do të jesh me mua, e bukur dhe e fortë si askush. Do të na mungosh shumë, por asgjë më shumë nuk bëje dot për ne sesa e pamundura që bëre plot përkushtim gjithë jetën, prandaj prehu në paqe mam” – shkruan Rama në Facebook

Aneta rama
Foto e publikuar pak dite me pare nga kryeministri Rama me nenen e tij

Mësohet se varrimi do të bëhet në orën 17:00. Për shkak të pandemisë së koronavirusit nuk do të ketë shumë pjesëmarrje.

Mesazhi i familjes Rama
Kryeministri Rama dhe vëllai i tij Olsi i janë drejtuar me një mesazh të gjithë miqve dhe familjarëve ku i kërkojnë mirëkuptim për përcjelljen në banesën e fundit të nënës së tyre.

“Përulësisht u lutemi familjarisht mirëkuptim të gjithë të afërmve e miqve të mirë, për pamundësinë e pritjes së ngushëllimeve e të ceremonisë së përcjelljes së nënës sonë në banesën e fundit, në kushtet e detyrimit për të respektuar rregullat e mbrojtjes së shëndetit të gjithësecilit. I falenderojmë të gjithë për mesazhet prekëse që vazhdojnë ta na vijnë për humbjen e nënës sonë të shtrenjtë dhe e vlerësojmë shumë respektin e mirëkuptimin e kujtdo që do të donte të ishte edhe fizikisht pranë nesh në këtë ditë të vështirë. Edi dhe Olsi Rama!”, shkruhet në mesazhin e familjes Rama për të afërmit.

Lexo me shume: Fqinja e Anetes mes loteve: Humba një shoqe. Kur Olsi e Edi ishin të rinj i duhej të lante dhe një lavatriçe me çorape sporti”

Në orët e para të mëngjesit në shtëpinë e të ndjerës ka qenë nipi i saj, Gregor Rama dhe bashkëshortja e kryeministrit, Linda Rama e cila i ka qëndruar pranë që prej mbrëmjes së djeshme (31 korrik). Gjithashtu edhe kryeministri sëbashku me të vëllanë Olsi Rama kanë mbërritur në banesë.

Gregor Rama pranë banesës të së ëmës

Aneta Rama ka punuar si stomatologe në vendlindjen e saj në Vlorë dhe në Tiranë.

Ne vitin 2018 ajo u nderua me çmimin “Nderi i Stomatologjisë Shqiptare” nga Urdhri i Stomatologëve.

Dr.Aneta lindi në qytetin e Vlorës më 1 shtator 1939. Shkollën dhe arsimin e mesëm e mbaroi në qytetin e lindjes me rezultate ekselente.

Në vitin 1955 filloi studimet në një nga Universitet më me emer të Polonisë dhe i mbaroi me rezultate te shkëlqyera në vitin 1961.

Pasi u diplomua si mjeke stomatologe filloi punë në poliklinikën e qytetit të Vlorës. Dr.Aneta më vonë ka punuar në kryeqytet  duke drejtuar poliklinikën dentare, e Specializuar ne Radiologji e Fizioterapi Stomatologjike.

Dr.Aneta është dekoruar me çmime të ndryshme për punë shumë të mirë e rezultate shkencore në shërbimin ndaj qytetarit.

Lexo me shume: Dhjetra mesazhe ngushellimi per kryeministrin

Foto pranë banesës së Aneta Ramës pranë shkollës “Vasil Shanto”