Kryeministri australian kërkon falje/ Komentet për Kylie Minogue shkaktojnë reagime të forta

Kryeministri i Australisë Anthony Albanese ka kërkuar falje publike pas komenteve të bëra gjatë një interviste për yllin e muzikës pop Kylie Minogue, të cilat shkaktuan reagime dhe kritika nga figura politike.

Ngjarja ndodhi gjatë një episodi të podcastit “Bush Deep” me komedianen Nikki Osborne, ku Albanese u pyet nëse do të zgjidhte për martesë ose takim disa prej figurave më të njohura të artit australian, mes tyre Kylie Minogue, aktoren Nicole Kidman dhe artisten Rhonda Burchmore.

Fillimisht kryeministri u përpoq ta shmangte pyetjen duke kujtuar se ishte i martuar prej vetëm gjashtë muajsh, por më pas, duke iu përgjigjur pyetjes për Kylie Minogue, ai e cilësoi këngëtaren si “fantastike”.

Komentet e tij u pasuan nga kritika të shumta. Deputetja Zali Steggall i cilësoi deklaratat si “krejtësisht të papërshtatshme”, ndërsa ministrja e Komunikimit Sarah Henderson i përshkroi ato si “mosrespektuese ndaj grave” dhe të papërshtatshme për një kryeministër.

Podcasti i Nikki Osborne njihet për pyetjet provokuese dhe për përmbajtjen që synon të trajtojë tema që zakonisht shmangen në intervistat tradicionale.

Pas reagimeve publike, Anthony Albanese publikoi një deklaratë ku kërkoi falje për komentet e tij.

“Kërkoj ndjesë pa dyshim për komentet”, u shpreh kryeministri australian, duke pranuar se mënyra e përgjigjes së tij kishte shkaktuar pakënaqësi te një pjesë e publikut.