Anna Faris reagon ndaj thashethemeve për Cameron Diaz: Më kanë bezdisur gjithmonë!

Aktorja Anna Faris ka reaguar për herë të parë ndaj një prej thashethemeve më të përhapura të karrierës së saj, që lidhet me filmin “Lost in Translation” të vitit 2003.

Prej vitesh, në media dhe mes fansave është spekuluar se personazhi i saj, Kelly – një aktore e famshme dhe sipërfaqësore – ishte frymëzuar nga Cameron Diaz. Por Faris ka mohuar kategorikisht këtë pretendim.

Në një intervistë në podcastin “Happy Sad Confused”, ajo u shpreh se këto akuza e kanë shqetësuar prej kohësh, pasi sipas saj i zhvlerësojnë punën dhe procesin e saj artistik.

“Më ka bezdisur gjithmonë kjo akuzë. Ndihesha sikur po i hiqte diçka interpretimit tim, sepse unë e fitova atë rol përmes audicionit dhe e ndërtova vetë personazhin”, tha ajo.

Faris theksoi gjithashtu se nuk ka qenë kurrë pjesë e ndonjë përpjekjeje për të tallur apo për të sulmuar një aktore tjetër.

“Nuk kam qenë pjesë e ndonjë sabotimi të çuditshëm”, u shpreh ajo.

Aktorja kujtoi se Cameron Diaz kishte qenë e ftuar në podcastin e saj në vitin 2021, pasi kishte mësuar se Diaz mund të ishte ndier e lënduar nga këto krahasime, por pranoi se nuk kishte gjetur momentin e duhur për ta diskutuar drejtpërdrejt këtë çështje.

“Kam pasur vetëm 25 minuta me Cameron. Nuk e dija si ta hapja atë bisedë”, shtoi Faris.

Deklaratat e saj vijnë në prag të publikimit të filmit më të ri “Scary Movie 6”, ku ajo rikthehet në ekranin e madh. Në premierën e filmit, Faris u shfaq edhe në një dalje të rrallë publike me djalin e saj 13-vjeçar, Jack.