Kosova art në Shqipëri, artistët e Prishtinës flasin për pritshmëritë nga tri shfaqjet e tyre në Tiranë

Qendra Multimedia sjell në Teatrin Eksperimental “Kujtim Spahivogli” tri shfaqje në Tiranë për tema dhe problematika të ndryshime dhe që kanë pritshmëri edhe nga publiku ynë.

Konkretisht është paracaktuar që në datat 31 mars, 1 dhe 2 prill publiku kryeqytetas do të vijë me tri shfaqjet: “Burrnesha”, “Pesë Stinët e Armikut të Popullit”, dhe Kthimi i Karl Majit.

Protagonistët e këtyre shfaqjeve, Aurela Kadriu dhe Adrian Morina do të shprehnin per "Ora News" dhe emocionet e tyre mbi pritshmëritë nga publiku i Tiranës, 

“Tematikat i kemi të njëjta si në Kosovë edhe në Shqipëri, dhe sidomos pas 97-ës ka pasur vëmendje të madhe të medias dhe ndërkombëtare, sidomos të bëra nga studiuesit të fenomenit të burrneshave. Relevanca është e pranishme edhe tani”, u shpreh Aurela Kadriu.

“Teatri është një art shumë i ccmueshëm dhe nuk e humbet asnjëherë fuqinë e tij. Kemi kujtimet më të bukura me teatrin dhe shfaqjet e tij nuk krahasohen me asnjë nga shfaqjet si në film apo kinema”, u shpreh Adrian Morina.

Kalendari 3-ditor në Tiranë

Tre vepra teatrore të dramaturgut Jeton Neziraj do të shfaqen në Tiranë. Në kuadër të bashkëpunimit që u bë me dije dhe më parë, Qendra Multimedia vjen me tre shfaqje teatrore në Teatrin Kombëtar Eksperimental “Kujtim Spahivoli” te “ArTurbina” në Tiranë.

Dramaturgu Jeton Neziraj është një emër i njohur, ku me veprat e tij nuk kanë munguar dhe vlerësimet e ndryshme më parë.

Dramaturgu kosovar Jeton Neziraj është dhe drejtor i Qendra Multimedia në Prishtinë, Kosovë.

Në skenën e Teatrit Kombëtar Eksperimental veprat teatrore, që do të luhen nga artistët nga Kosova do të jenë për tre mbrëmje me radhë.

Mbrëmjen e 31 marsit në skenë vjen vepra “Burrnesha” nga Jeton Neziraj dhe me regji të Erson Zymberit.

Aktorë në role janë Semira Latifi, Tringa Hasani dhe Kushtrim Qerimi.

Mbrëmjen e datës 1 prill në skenën e Teatrit Kombëtar Eksperimental vjen vepra teatrore “Pesë stinët e armikut të popullit” vepër e Nezirajt dhe regjia Blerta Neziraj.

Aktorë në role janë Armend Smajli, Shpëtim Selmani, Egzona Ademi, Afrim Muçaj, Kushtrim Qerimi, Verona Koxha. Muzikantë Arbër Salihu, Granit Havolli dhe Tomor Kuçi.

Në datën 2 të muajit që vjen në skenë do të shfaqet “Kthimi i Karl Majit”.

Shkruar nga Jeton Neziraj, regjia Blerta Neziraj dhe aktorë në role janë Adrian Morina, Edona Reshitaj, Armend Smajli, Shpëtim Selmani dhe Ylber Bardhi.

Tre veprat teatrore

Drama “Burrnesha” është inskenuar për herë të parë në teatrin Schlachthaus Theater në Bern të Zvicrës në maj të vitit 2018.

Vepra teatrore “Burrnesha” flet për karakteristikat e traditës së adaptimit të tipareve burrërore nga vajzat shqiptare të Malësisë gjatë shekujve të kaluar.

Në materialin e veprës teatrore “Pesë stinët e armikut të popullit” tregohet se ajo flet për “heroin që komprometohet nga shumica” dhe për “përgjegjësinë e shumicës, si armike e të vërtetës dhe lirisë” (Ibsen, përmes Stockmann).

“Por kjo shfaqje na flet edhe për hipokrizinë e misioneve të paqes të UN-it, të cilat, në emër të stabilitetit politik, në emër të paqes, zhvillimit e të rikonstruktimit, mbyllin sytë përballë dr. Stokmanëve, dhe rrjedhimisht, bëhen pjesëmarrës në vrasjen e tyre”, thuhet rreth veprës.

Shfaqja “Kthimi i Karl Majit” e konfronton publikun me qasjen gati demonizuese të Evropës Perëndimore ndaj Lindjes, superioritetin e supozuar kulturor, politik e intelektual të saj ndaj Lindjes për të cilën Aleksandar Hemon thotë se i ka rrënjët thellë në kolonializëm dhe racizëm.

Në material rreth shfaqjes thuhet i bën një skanim Europës së tanishme, vlerave të saj të supozuara kulturore e civilizuese, demokracisë së proklamuar si “të shenjtë”, dhe e cila, në babelin e letrave burokratike të EU-së na vjen në variantin e garës muzikore Eurovizion, pra si një Evropë e dashurisë, e harmonisë, e shkëlqimit e diversitetit, por që në thelb, e në realitet, është edhe një Europë arrogante, eurocentriste, madje raciste.

Është një Europë e shkëlqimit nga jashtë, por që nga brenda gëlon nga paragjykimet.

teatri aurela kadrriu adrian morina qendra multimedia

teatrijpg

teatri 1

teatri 2

teatri 3

teatri 4