Trump uron Knicks pas fitores në NBA dhe bekon Jalen Brunson: Një superyll ka lindur

"Urime Jim Dolan dhe New York Knicks! Çfarë viti të jashtëzakonshëm kemi pasur, por mbi të gjitha, çfarë fitoresh të jashtëzakonshme në play-off që kemi parë të gjithë, veçanërisht katër ndeshjet e fundit! Ndoshta më të mirat në historinë e basketbollit", shkroi presidenti në rrjetin e tij social Truth.

Ai shtoi, "Një superyll lindi sonte: Emri i tij është Jalen Brunson, por ka edhe të tjerë, si Karl-Anthony Towns, OG Anunoby dhe Mitchell Robinson. Le ta bëjmë Amerikën përsëri të madhe!"

Knicks u kurorëzuan kampion të NBA-së për herë të parë në 53 vjet të shtunën, pasi mposhti Spurs me rezultatin 94-90 në Frost Bank Center në San Antonio dhe e mbyllën serinë e finaleve 4-1.

Brunson shënoi 45 nga 94 pikët e Knicks, duke shënuar 14 nga 27 nga fusha. Ai u mbështet nga Mikal Bridges, me 14 pikë, dhe Josh Hart, me një double-double prej 13 pikësh dhe 11 ribaundesh.

Ekipi ka shkaktuar një valë festimesh në Nju Jork gjatë gjithë serisë finale, me mijëra tifozë që kanë dalë në rrugë pas fitoreve të ekipit të Nju Jorkut dhe duke e shndërruar Manhattanin dhe lagjet e tjera në skena të improvizuara festimesh kolektive.

Titulli i jep fund një pritjeje 53-vjeçare që nga kampionati i tyre i fundit, i arritur në vitin 1973, dhe një mungese finalesh që nga viti 1999.

Kryetari i bashkisë së Nju Jorkut, Zohran Mamdani, njoftoi se qyteti do të mbajë paradën zyrtare të Knicks në Manhattan këtë të enjte për të festuar titullin e tyre të tretë në NBA.