Kupa e Botës/ "Tensioni përreth nesh minon mesazhin e futbollit," shprehet Taremi…

"Jemi këtu për të luajtur futboll. Jemi këtu për të përfaqësuar, me gjithë respektin e duhur, popullin iranian: iranianët në vendin tonë dhe ata në diasporë. Ne nuk jemi politikanë; futbolli është i ndarë nga politika."

Këto ishin fjalët e trajnerit të ekipit iranian Amir Ghalenoei, duke folur në një konferencë për shtyp në stadiumin e Los Angeles, ku ata do të përballen me Zelandën e Re nesër, në sfondin e tensioneve midis Teheranit dhe Uashingtonit dhe vetëm disa orë pas njoftimit të një armëpushimi.

Trajneri theksoi se ekipi respekton "çdo qytetar iranian", një deklaratë veçanërisht e rëndësishme duke pasur parasysh se zona e Los Angeles është shtëpia e komunitetit më të madh të të mërguarve iranianë, që numëron mbi 500.000.

Ghalenoe shpjegoi se zhvendosja e kampit të stërvitjes nga Arizona në Tijuana, Meksikë, e vendosur pas përshkallëzimit ushtarak të muajve të fundit, pati një ndikim në përgatitjet e tyre.

"Pati një ndikim, por duhet të falënderojmë popullit meksikan. Jemi mësuar t'i kthejmë vështirësitë në mundësi. Ne duhej të stërviteshim dy javë më parë, por mbërritëm vonë dhe nuk patëm kohë të përshtateshim siç duhej."

Lojtarët dhe stafi i trajnerëve mbërritën në Los Angeles me një aeroplan nga Tijuana të dielën pasdite dhe do të nisen menjëherë pas ndeshjes. Ghalenoei shtoi: "Fitore apo humbje, futbolli duhet të sjellë gëzim. U përpoqa t'i bëj lojtarët të përqendrohen në strategji dhe të luajnë për Republikën e madhe iraniane."

Krahas tij, sulmuesi Mehdi Taremi pranoi se ndjeu "shumë tension" me të mbërritur në Shtetet e Bashkuara. "Kjo nuk ndikoi vetëm në Iran dhe jo vetëm te lojtarët, por edhe te gjyqtarët. Shumë vende kishin probleme me vizat", tha ai. "Ky tension minon mesazhin e FIFA-s, i cili duhet të promovojë paqe dhe gëzim."