Korçë, sërish fermerët në radhë për aplikimin e përfitimit të subvencioneve të karburantit
Nga Iris Rezhda Përditësimi i fundit 21 Mars 2023, 09:59
Dhjetëra fermerë janë mbledhur sërish pranë zyrave të Drejtorisë së Bujqësisë, në pritje për të dorëzuar dokumentacionin e nevojshëm për përfitimin e naftës.
Ata janë grumbulluar në pritje për plotësimin e dokumentacionit dhe aplikimin në E - Albania.
Rradha vijon prej mëngjesit të sotëm, ndërsa pritet të vijojë edhe gjatë ditëve në vazhdim për shkak të fluksit por edhe për faktin pasi herë pas here, sistemi has probleme dhe ky bëhet shkak për krijimin e radhës në këtë drejtori.