Gjermania dhe SHBA nisin bisedimet për ndarjen e re të barrës në NATO dhe mbështetjen për Ukrainën

Ministri i Jashtëm i Gjermanisë, Johann Wadephul, dhe Sekretari amerikan i Shtetit, Marco Rubio, pritet të diskutojnë në Uashington këtë javë një kornizë të re për ndarjen e barrës brenda NATO-s, si dhe mbështetjen afatgjatë për Ukrainën.

Sipas njoftimeve, takimi do të fokusohet në gjetjen e një marrëveshjeje të re mes aleatëve për mënyrën se si ndahet përgjegjësia financiare dhe ushtarake në NATO.

Një tjetër pikë kyçe do të jetë sigurimi i një mbështetjeje të qëndrueshme për Ukrainën, në prag të samitit të NATO-s që pritet të mbahet javën e ardhshme në Ankara.

Wadephul ka bërë të ditur se qëllimi i këtyre diskutimeve është forcimi i unitetit të aleancës dhe rritja e presionit ndaj Rusisë për t’i dhënë fund luftës në Ukrainë dhe për t’u rikthyer në tryezën e negociatave.

Takimi vjen në një moment kur vendet anëtare të NATO-s po diskutojnë rritjen e kontributeve dhe rishpërndarjen e barrës brenda aleancës, në një kontekst të tensionuar të sigurisë në Europë.