Shqiptarët e Gjenevës i tregojnë “karrigen” pushtetin

Protestat kundër qeverisë shqiptare po shtrihen edhe përtej kufijve të vendit. Një tubim proteste është zhvilluar këtë të enjte në Gjenevë të Zvicrës, ku qindra shqiptarë të diasporës janë mbledhur për të shprehur pakënaqësinë ndaj qeverisjes së kryeministrit Edi Rama.

Të pranishmit marshuan me flamuj kombëtarë, pankarta dhe parulla kundër qeverisë, ndërsa nuk munguan as mesazhet simbolike.

Një nga elementët më të spikatur të protestës ishte përdorimi i karriges si simbol i pushtetit, me protestuesit që e shfaqën atë si një mesazh të drejtpërdrejtë ndaj qeverisë dhe kryeministrit.

Gjatë tubimit, protestuesit kërkuan dorëheqjen e Edi Ramës dhe të qeverisë së tij, duke e konsideruar karrigen simbol të pushtetit që, sipas tyre, duhet të lirohet.

Tubimi në Gjenevë vjen në një kohë kur protesta të ngjashme po organizohen jo vetëm në Shqipëri, por edhe në komunitetet shqiptare jashtë vendit, duke treguar përfshirjen e diasporës në zhvillimet politike dhe debatet publike në vend.