Një “Shqiponjë” në Laç/ Pas arrestimit të Dritan Metajt si pjesë e grupit të Gëzim Çelës, firmoset emri i ri në krye të bluve të Kurbinit

Shkëlzen Metushi

Gjykata e Posaçme vendosi të martë që të lërë në burg shefin e komisariatit të Kurbinit, Dritan Metaj, i cili u prangos pasditen e hënës si pjesë e grupit të Gëzim Çelës nga Fushë-Kuqja dhe Arben Dalipit në Vlorë.

Në seancë ai ka pranuar marrëdhëniet mes tij dhe Gëzim Çelajt, ndërsa e ka cilësuar si njohje të vjetër që nuk e mohonte dot.

Dhe menjëherë pas kësaj ngjarjeje të rëndë të implikimit të drejtuesit të lartë me grupet kriminale ka ardhur dhe vendimi i kreut të Polciisë së Shtetit Muhamet Rrumbullaku, i cili ka firmosur emrin e pasuesit të Metajt në krye të Komisariatit problematik të Kurbinit.

Konkretisht mësohet se drejtori i Përgjithshëm i Policisë së Shtetit ka emëruar në detyrën e Shefit të Komisariatit Shkëlzen Metushin.

Deri pak ditë më parë Metushi ka mbajtur detyrën e shefit të Njësisë Shqiponja në Drejtorinë Vendore të Policisë Tiranë.

Ndërkaq mësohet se këtë të mërkurë ai do të prezantohet para ofocerëve të Komisariatit të Laçit të Kurbinit.

Në foto: Dritan Metaj dhe Gëzim Çela

edison vatnikaj gëzim Çela dritan metaj shkëlzen metushi