“Punoni sikur zgjedhjet të jenë më 15 mars”, zbulohen 5 porositë e Ramës në asamblenë e PS: Nuk duam anëtarë një përdorimsh

Ka përfunduar mbledhja e asamblesë të PS dhe drejtuesit politik të qarqeve. Rama citohet të këtë deklaruar se “secili nga ne në PS duhet të punojmë sikur zgjedhjet e përgjithshme do të ishin në 15 Mars”.

Kryesocialisti ka kërkuar nisjen e një procesi për vlerësimin e anëtarësisë socialiste sa janë aktiv e jo aktiv. Po ashtu e ka vënë theksin në nevojën e shtimit të anëtarësimeve të reja në çdo organizatë të PS.

Rama citohet të ketë deklaruar se ai vetë do të përfshihet në procesin e anëtarësimeve të reja, në zonën e tij elektorale ku është zgjedhur deputet.

Çdo drejtues qarku ka raportuar me detaje për numrin e anëtarëve ekzistues, sa janë firot dhe lëvizjet e anëtarësisë.

Pesë konkluzionet e deklaruara nga Rama në formën e një kërkesë për pjesëmarrësit në mbledhje:

1.Regjistri partisë me update deri 15 Mars

2.Të mos kemi anëtarë një përdorimsh

3.Ti jepet fund dyerve të mbyllur të partisë për ti hapur rrugë anëtarësimeve të reja.

4.Krijim i grupeve aktive në Wats app për çdo organizatë partie në bazë.

5.Nevoja për kryetar të rinj partie në organizata.