Edhe në vapën ekstreme nuk i heqin xhinset! Arsyeja surprizuese pse burrat u qëndrojnë besnikë

Teksa valët e të nxehtit po thyejnë rekorde në shumë vende të botës, një trend i pazakontë vazhdon të dominojë garderobën e shumë burrave: xhinset mbeten zgjedhja e tyre e preferuar, pavarësisht temperaturave përvëluese.

Nga rrugët e Londrës deri në Javën e Modës në Paris, figura të njohura dhe adhurues të stilit janë parë të veshur me xhinse, duke sfiduar vapën. Madje, markat e modës shpërndanë çadra dhe peshqirë me akull për të përballuar temperaturat e larta, por kjo nuk i bindi të hiqnin dorë nga denim-i.

Ekspertët e modës thonë se fenomeni nuk lidhet vetëm me stilin. Sipas tyre, xhinset janë kthyer në një simbol të identitetit mashkullor dhe të ndjenjës së sigurisë, ndërsa shumë burra ndihen më rehat me to sesa me pantallonat e shkurtra.

Nga ana tjetër, përdoruesit e xhinseve argumentojnë se materiali prej pambuku lejon ajrosjen e lëkurës dhe njëkohësisht mbron këmbët nga rrezet e forta të diellit.

Shifrat e shitjeve e konfirmojnë trendin: kërkesat për modele të njohura xhinsesh janë rritur ndjeshëm gjatë javëve të fundit, duke treguar se, edhe në ditët më të nxehta të verës, shumë burra nuk janë gati të heqin dorë nga veshja e tyre ikonike./ Guardian