NË VEND TË NJË PORTRETI, PËR LIRI RASHËN…

Edhe këngët e kanë një këngë, e kënga më e bukur e këngëve dibrane është Liri Rasha.

Liri Rasha iu imponua skenës me një autoritet artistik të mahnitshëm që në daljen e parë.

Përgjatë gjithë karrierës së vet artistike, na ka dëshmuar se arti nuk është thjesht interpretim, por ndjenjë, frymë dhe identitet.

Kur zëri i saj i jep jetë këngës dibrane, zgjohen malet e krojet dhe burimet rrjedhin më ëmbël.

Në interpretimin e saj ka dritë vendlindjeje, ka dashuri për Dibrën dhe atdheun, si dhe një fisnikëri që nuk mësohet, por lind bashkë me shpirtin e artistit.

Liri Rasha nuk është vetëm këngëtarja që e duan të gjithë.

Ajo është sot referencë identiteti e vetë këngës qytetare dibrane, një jehonë e bukur që vjen nga zemra e Dibrës dhe prek zemrat e të gjithëve që e dëgjojnë.

Sepse ka artistë që interpretojnë këngën, por ka edhe artistë që bëhen vetë këngë.

E Liri Rasha është kënga e bukur që Dibra i dhuroi artit shqiptar.