V*itet nga marina izraelite 15-vjeçari palestinez në brigjet e Gazës / Shkon në mbi 950 numri i viktimave që nga armëpushimi

Një adoleshent palestinez është vrarë nga forcat detare izraelite pranë bregdetit të Deir al-Balah, në Rripin qendror të Gazës, sipas burimeve lokale.

Viktima është identifikuar si Muhammad Musa Abu Giab, 15 vjeç. Trupi i tij është dërguar në Spitalin e Martirëve të Al-Aksës pasi u qëllua gjatë një incidenti në det.

Sipas dëshmive të raportuara nga burime vendore, anije luftarake izraelite kanë hapur zjarr me mitralozë ndaj disa anijeve të peshkimit në zonë, duke goditur adoleshentin, i cili thuhet se punonte si peshkatar.

Ngjarja ndodh në një periudhë tensionesh të vazhdueshme dhe pretendimesh për shkelje të armëpushimit që ka hyrë në fuqi më 10 tetor. Autoritetet palestineze raportojnë se që prej asaj kohe janë vrarë mbi 950 persona dhe janë plagosur më shumë se 2,980 të tjerë në sulme të përsëritura.

Autoritetet izraelite nuk kanë reaguar ende zyrtarisht mbi incidentin.