Tensione të reja në Libanin jugor/ Dy humbje jete mes akuzave Izrael-Hezbollah

Tensionet në jug të Libanit janë rritur sërish pas një incidenti të përgjakshëm që la dy persona të vrarë, pavarësisht raportimeve për një qetësi tre-ditore në zonë.

Sipas Agjencisë së Mbrojtjes Civile të Libanit, dy persona humbën jetën në sulmet e fundit në jug të vendit, duke rikthyer shqetësimet për një përshkallëzim të ri të situatës së sigurisë.

Ushtria izraelite deklaroi se kishte goditur persona të armatosur, të cilët sipas saj përbënin një kërcënim të menjëhershëm për forcat izraelite që operojnë pranë kufirit.

Nga ana tjetër, Hezbollah akuzoi Izraelin se ka hapur zjarr ndaj civilëve në jug të Libanit, duke e cilësuar incidentin si një shkelje të rëndë të armëpushimit.

Ngjarja ka shtuar frikën për një rikthim të përplasjeve të armatosura mes palëve, në një rajon që prej muajsh mbetet i tensionuar për shkak të shkëmbimeve të vazhdueshme të zjarrit.