Ervis Çaushllari i cili mbeti i plagosur në atentatin e ndodhur mesditën e sotme në Elbasan është transportuar në spitalin e Traumës pasditen e sotme.

Ai i është nënshtruar operacionit dhe aktualisht ndodhet në gjendje të stabilizuar.

“Gjëndja e tij shëndetësore është e stabilizuar dhe jashtë rrezikut për jetën. Mësohet se i plagosuri ka marrë një plumb në shpatull” informon gazetari i Ora News nga spitali i Traumes Besar Bajraktaraj.

Është e paqartë nëse  Çaushllarin (I njohur dhe me mbiemrin Çausholli) e ka sjellë policia apo ka ardhur vetë i plagosuri.

Ora News sjell pamje nga Trauma ku ndodhet dhe një makinë që po i nënshtrohet ekspertizës.  

Makina që policia po kryen ekspertizën është tip Golf 5 dhe ka shenja të plumbave.

Si ndodhi atentati

Ngjarja u shënua rreth orës 11:50 (25 nentor) në lagjen “Emin Matraxhiu”.

Sipas policisë së Elbasanit, pas një konflikti është qëlluar me armë zjarri në drejtim të një mjeti dhe autori i dyshuar është larguar.

Burimet janë kontradiktore.

Ka të dhëna se Ervis Çaushllari udhëtone në këtë makinë tip Mazda që u gjet e braktisur në mes të rrugës pas atentatit.

Ndërsa një tjetër burim, thotë se Çaushllari është personi që qëlloi të paktën 5 here me pistoletë pasi u konfliktua me drejtuesin e makinës.

Lexo dhe: Plumba Vis “korçarit” në mes të Elbasanit