Në rrezik industria e bimëve mjekësore

Industria e bimëve mjekësore ka kërkuar mbështetje nga qeveria për uljen e burokracive. Kreu i Shoqatës së Bimëve Mjekësore dhe aromatike kërkoi ndryshime ligjore për ti dhënë mbështetje kësaj industrie. Sipas kreut të Shoqatës dhënia e licensave mbetet një problem i ndjeshëm.

Industria e bimëve mjekësore dhe aromatike është konsideruar si një sektor i rëndësishëm për ekonominë shqiptare.

Por tashmë subjektet që operojnë në këtë fushë gjenden në vështirësi për shkak të burokracive që u duhet të ndjekin për marrjen e lejeve.

Kreu i Shoqatës së kësaj Industrie kërkoi mbështetjen e qeverisë si dhe ndërmarrjen e ndryshimeve ligjore.

Xhevit Hysenaj: Të ndërhyjë në ndryshimet e nevojshme të ligjit. Ligji qe kemi sot është nga '91. Kjo ëhstë bërë barrierë që sot rreth 70% e bimëve aromatiko-mjekësore të Shqipërisë nuk mblidhen.Ka një burokraci të jashtëzakonshme.

Sipas përllogaritjeve, kjo industri ka kapacitet për krijimin e 43 mijë vendeve të punës.

Xhevit Hysenaj: Ne mund të arrijmë 43000 vende pune nga 12500 që janë 2018. Parashikohet 12 muaj punë jo par time.

Në vitin 2018, industria e bimëve aromatiko-mjekësore natyrale realizoi rreth 4,5 miliardë lekë.