Balliu: RTV Ora kërkohet të mbyllet sepse i jep zë popullit dhe jo pushtetarëve të krimit

Ish deputeti i Partisë Demokratike Klevis Balliu, ka reaguar në lidhje me vendimin e Inspektoriatit Shëndetësor për mbylljen e televizionit ORA.

Përmes një postimi në Facebobok, Balliu thotë se RTV Ora nuk i serviloset pushtetit të korrupsionit dhe bashkisë së pavotuar.

Ai gjithashtu shprehet se RTV Ora po mbyllet sepse i jep zë popullit dhe jo pushtetarëve të krimit.

Postimi i plotë

''Për RTV Ora kërkohet mbyllja e televizionit ndërkohë Carlo Bolinos i jepet toka dhe prona e qytetarëve me 1 Euro.

Sulmohet RTV Ora meqënëse nuk i serviloset pyshtetit të korrupsionit, nuk i serviloset bashkisë së pavotuar.

Televizioni ku thuhen të vërtetat, ku i shërbehet interesit publik, pushteti i krimit kërkon ta mbyllë.

Nuk i duhet një TV ku ka një emision si Boom që denoncon dhe investigon duke faktuar pdrejtësitë ndaj qytetarëve.

Kërkohet të mbyllet RTV Ora sepse me emisionin Tempora që u jepet zë edhe atyre që sjanë dakort me pushtetin e krimit.

Kërkohet mbyllja e televizionit që ka emisionin 369 gradë meqënëse Artur Zheji bën analiza kundër padrejtësisë.

RTV Ora kërkohet të mbyllet sepse i jep zë popullit dhe jo pushtetarëve të krimit.''