Zidane, një hap larg marrjes së drejtimit të Bayernit

Zinedine Zidane është shumë pranë marrjes së drejtimit të Bayern Munich. Nga Spanja lajmin e bën të ditur Mundo Deportivo, që e jep të kryer marrëveshjen mes ish-trajnerit të Realiut dhe klubit gjerman. Edhe pse ende nuk ka asnjë firmë.

Pasi kanë marrë refuzimin e Nagelsmann, bavarezët janë hedhur në sulm për Zizou. Me të cilin kanë tashmë një akord në parim. Francezi, i vetmi trajner që ka fituar Champions League për tri vite radhazi, ka bërë kërkesa të rëndësishme në merkato për klubin para se të marrë një vendim përfundimtar.

Siç shkruan e përditshmja iberike, Zidane ka kërkuar siguri për merkaton e verës, me referime të qarta për përforcimet që dëshiron të ketë në dispozicion për t’i thënë po projektit.

Me 51-vjeçarin që kështu do të kthehet në stol pas tri sezoneve pushim, pas impenjimit të fundit me Realin. Los Blancos janë rivalët e ardhshëm në Champions të bavarezëve, një kompeticion që Tuchel dëshiron ta fitojë para lamtumirës.