VIDEO/ Lot gëzimi në tribunë, nëna e Matheus Cunhas nuk i përmban emocionet pas dygolëshit të djalit në Botëror

Një nga momentet më prekëse të Botërorit 2026 erdhi pas fitores së thellë 3-0 të Brazilit ndaj Haitit, ku protagonist absolut ishte sulmuesi Matheus Cunha.

Futbollisti brazilian realizoi dy gola dhe udhëhoqi ekipin e tij drejt suksesit, por emocionet më të forta u panë në tribunat e stadiumit në Philadelphia.

Nëna e lojtarit, e pranishme për të ndjekur nga afër ndeshjen, nuk arriti t’i mbante lotët teksa shikonte djalin e saj të shkëlqente në skenën më të madhe të futbollit botëror.

Pamjet e saj janë bërë menjëherë virale në rrjetet sociale, duke prekur tifozë nga e gjithë bota. Lotët e gëzimit dhe krenarisë treguan sakrificat dhe rrugëtimin e gjatë që familja ka bërë për ta parë Cunhan të realizojë ëndrrën e tij.

Pas ndeshjes, emocionet nuk munguan as nga vetë sulmuesi, i cili e përshkroi përjetimin si të jashtëzakonshëm.

“Të jesh në një Kupë Bote, ta imagjinosh këtë, është kaq e mrekullueshme. Është një ëndërr e realizuar”, deklaroi Cunha.

Dygolëshi ndaj Haitit e konfirmoi atë si një nga lojtarët më në formë të Brazilit në këtë Botëror, ndërsa momenti mes tij dhe nënës së tij mbetet një nga skenat më emocionuese të turneut deri tani.