Pretendime për tensione te Real Madridi/ Arda Güler raportohet se krijoi përplasje mes yjeve dhe Xabi Alonsos

Gazetari investigativ francez Romain Molina ka ngritur pretendime për tensione të brendshme në dhomën e zhveshjes së Real Madridit, duke përfshirë marrëdhënien mes trajnerit Xabi Alonso dhe mesfushorit turk Arda Güler.

Sipas Molinës, disa prej yjeve të skuadrës, përfshirë Federico Valverden, Jude Bellinghamin, Vinicius Juniorin, Rodrygon dhe Endrickun, nuk kanë qenë dakord me vendimin e Alonsos për t’i dhënë Gülerit një rol më të rëndësishëm dhe më shumë minuta në formacion.

“Xabi Alonso e vlerësonte shumë Arda Gülerin dhe e aktivizonte rregullisht si titullar. Të gjithë donin që Arda të largohej nga skuadra, fjalë për fjalë të gjithë. Megjithatë, ai ishte një nga lojtarët më të mirë të Real Madridit”, ka deklaruar Molina.

Megjithatë, deri tani nuk ka pasur asnjë reagim zyrtar nga Real Madridi apo nga lojtarët e përmendur. Për këtë arsye, pretendimet e gazetarit francez mbeten të pakonfirmuara dhe duhen konsideruar si spekulime.

Arda Güler pati një sezon të suksesshëm me fanellën e Real Madridit, duke regjistruar 51 paraqitje në të gjitha kompeticionet, me 6 gola dhe 14 asistime. Sipas Transfermarkt, vlera e tij në treg vlerësohet rreth 90 milionë euro.