Man. City shpallet kampion. Man. United hap krahun ndaj Leicester
Pas disa shtyrjeve, Man. United është dorëzuar ndaj Leicester City dhe automatikisht rivalët e Man. City janë shpallur kampionë të Premier League 3 javë përpara fundit të sezonit. Për skuadrën e Guardiolës është titulli i shtatë në histori dhe i treti nën udhëheqjen e trajnerit spanjoll i cili i dha këtë trofe skuadrës edhe në sezonet 2017-2018 dhe 2018-2019.
Man. United që i dha titullin Citizens me humbjen ndaj Leicester rrezikojnë edhe vendin e dytë pasi pikërisht ekipi që i mposhti është 4 pikë larg. Për skuadrën e Rodgers ishte Luke Thomas që realizoi në minutën e 10’ teksa Greenwood barazoi në 15 ndërsa në 66’ ishte Soyuncu që i dha goditjen finale dhe fitoren 2-1 Leicester Cityt.
Tashmë me titullin e arkivuar, Man. City dhe Guardiola shkojnë më të qetë për titullin e dytë më të rëndësishëm të sezonit, atë të Champions League ndaj rivalëve të Chelsea.