Luçeskut do t’i vendoset një defibrilator, Haxhi do të drejtojë Rumaninë…

Të dielën në mëngjes në Rumani,  pati një situatë të frikshme me trajnerin e ekipit kombëtar, Mircea Luçesku, I cili u rrëzua gjatë seancës stërvitore të ekipit kombëtar dhe u dërgua me urgjencë në Spitalin Universitar.

Në deklaratat pasuese, ai ia atribuoi episodin e të fikëtit nervozizmit që e kishte pushtuar pas humbjes nga Turqia dhe eliminimit nga faza finale e Kupës së Botës, pavarësisht faktit se kishin kaluar tre ditë nga ndeshja. 

Sipas mediave rumune, të hënën në mëngjes  trajneri 80-vjeçar iu nënshtrua një angiografie koronare, e cila nuk dukej se tregonte asgjë shqetësuese duke pasur parasysh moshën e tij të avancuar.

Megjithatë, për të shmangur me disa aritmi, u mor vendimi që t’i vendoset një defibrilator për të siguruar funksionimin e duhur të ritmit të zemrës, me operacionin e planifikuar për të martën. Pas incidentit, Federata Rumune e Futbollit pritet të ndryshojë trajner dhe favoriti i parë është legjenda e ekipit, George Haxhi.