Foda beson te shanset e Kosovës ndaj Turqisë, Muriqi kërkon kualifikimin në Botëror

Trajneri i Kosovës shprehet se skuadra e tij ka shanse të barabarta me Turqinë për kualifikimin në botëror. Tekniku deklaroi se i njeh të gjitha dobësitë dhe forcat e Turqisë dhe që Kosova është e përgatitur për të gjitha skenarët, përfshirë kohën shtesë dhe penalltitë. Ndërkaq, kapiteni Muriqi shpreh respekt për për Turqinë, por kërkon kualifikimin në Botëror.

Në prag të ndeshjes me Turqinë ka folur edhe tekniku i Kosovës, Franco Foda. Trajneri ka vlerësuar kundërshtarin por beson se skuadra e tij do të japë maksimumin për të shkuar në botëror. sipas teknikut, Turqia ka më shumë presion, ndërsa skuadra e tij, ndjehet shumë e motivuar.

“Ekipi i Turqisë është shumë i fortë edhe në aspektin e lojtarëve individual. Jemi në finale me plot meritë, gjasat janë 50-50. Ne do të japim gjithçka për të fituar”. Ne i njohim forcat dhe dobësitë e Turqisë. Nuk jam parashikues i së ardhmes, nuk e di se sa do të zgjat ndeshja, por ne jemi të përgatitur për çdo gjë.”

Ndërkaq, kapiteni i Kombëtares, Vedat Muriqi beson se Kosova mund të fitojë ndeshjen me Turqinë.

“Kam kënaqësinë që jam kapiten në këtë sfidë të rëndësishme, pra jemi në finale. Jam i qetë, kemi atmosferë jashtëzakonisht të shkëlqyer në kombëtare dhe shpresojmë shumë në sukses”,

Sfida do të luhet këtë të martë në orën 20:45