Nis gjyqi për dosjen “Partizani”, Malltezi sfidon prokurorët me mbi 200 faqe dokumentacioni

Në seancën e parë në themel për dosjen “Partizani”, avokati Jamarbër Malltezi nisi leximin e mbi 200 faqeve me prova dhe dokumentacion, për të kundërshtuar akuzat ndaj klientit të tij.

Gjatë seancës, Malltezi pati debate me gjykatën mbi terminologjinë për prokurorët. Ai i quante ata “prokurorë politik”, ndërsa gjykata e udhëzoi të përdorte vetëm fjalën “prokuror”. Malltezi u përgjigj me ironi, duke thënë se përndryshe do të shtohej një akuzë për agjitacion dhe propagandë. Pas disa ndërhyrjeve, avokati ndryshoi shprehjen në “prokurorë pika-pika”.

Malltezi gjithashtu ngriti pretendime mbi të kaluarën e prokurorit Arben Kraja si hetues gjatë periudhës së komunizmit dhe transferimin e Enkeleda Millonait në SPAK nga Taulant Balla. Millonai ndërhyri, duke kërkuar nga gjykata që Malltezi të përmbahej në pretendimet që lidhen vetëm me akuzën.

Gjykata i kërkoi avokatit të qëndronte brenda elementeve të akuzës dhe t’u drejtohej prokurorëve sipas rregullave të procesit.

Malltezi: Mbi 30 deklarime të rreme që përbëjnë edhe element penal nga ana a e prokurorëve.

Gjykata ndërhyn për termin e përdorur nga Malltezi, duke kërkuar t’iu drejtohet vetëm me “prokuror”

Malltezi: Po si tu them prikuror, ata janë prokuror politik që ngritën një akuzë politike.

Gjykata ndërhyn sërish: jo këtë gjuhë ndaj përfaqësuesve të akuzës, ata janë prokuror

Malltezi: Prokurorët politik e kam artikuluar edhe më parë pse qenka sakrilegj. Po deshët shtoni një akuzë të re për agjitacion e propagandë, se kemi të pushkatuar më parë

Pas disa ndërhyrjeve të gjykatës Malltezi zëvendëson fjalën “prokurorët politik” me “prokurorët pika pika (…)

Malltezi paraqet pretendime mbi të shkuarën e prokurorit Arben Kraja si hetues i kominizmit dhe katapultimit sipas tij të Enkeleda Millonait në SPAK nga Taulant Balla, ndërhyn Millonai, kërkesë gjykatës

Millonai: Kërkoi ti tërhiqet vërejtje të pandehurit, pasi të pandehur nuk janë prolurorët në këtë proces. Nëse ka pretendime, t’iu drejtohet organeve përkatëse. Të qëndrojë brenda atyre elementëve që përmban akuza.