Pas një dekade së bashku, Courteney Cox dhe Johnny McDaid ndahen qetësisht

Courteney Cox dhe Johnny McDaid kanë përfunduar marrëdhënien e tyre, duke mbyllur një histori dashurie që ka zgjatur për më shumë se një dekadë.

Sipas mediave si Daily Mail dhe People, ndarja ka ndodhur në mënyrë të qetë dhe pa përplasje, ndërsa burime pranë çiftit bëjnë të ditur se vendimi ka ardhur gradualisht, pasi të dy kishin nisur të ndjekin rrugë të ndryshme në jetën e tyre personale dhe profesionale.

Dyshja u njoh në vitin 2013 dhe lidhja u bë shpejt serioze, duke u fejuar një vit më vonë. Fejesa u anulua në vitin 2015, por ata u rikthyen bashkë në vitin 2016 dhe vijuan marrëdhënien për vite të tjera pa e riaktivizuar fejesën.

Burime pranë tyre thonë se ndarja nuk ka qenë konfliktuale dhe mes tyre ka ende respekt, por distanca dhe angazhimet e shumta kanë ndikuar në ftohjen graduale të marrëdhënies.

Çifti është parë për herë të fundit në publik vitin e kaluar, ndërsa prej kohësh kishin reduktuar paraqitjet e përbashkëta në evente.

Edhe pse nuk ka një deklaratë zyrtare nga vetë ata, raportimet e mediave sugjerojnë se ndarja është përfundimtare dhe secili ka nisur një kapitull të ri në jetën e tij personale.