“Nuk pata shumë ndihmë”, Jennifer Lopez rikthen vëmendjen te ish-bashkëshorti!

Jennifer Lopez ka ngjallur reagime të shumta në media dhe rrjetet sociale pas disa komenteve që shumëkush i ka interpretuar si një thumb ndaj ish-bashkëshortit të saj, Marc Anthony.

Gjatë një interviste në podcast-in “SmartLess”, këngëtarja dhe aktorja 56-vjeçare foli për emocionet që po përjeton teksa binjakët e saj, Emme dhe Max, po përgatiten të nisin një kapitull të ri në jetën e tyre me studimet universitare.

Lopez u shpreh krenare për arritjet e fëmijëve të saj, duke theksuar se ata kanë punuar fort për të realizuar ëndrrat e tyre. Në të njëjtën kohë, ajo la të kuptohet se rrugëtimi si prind nuk ka qenë gjithmonë i lehtë.

“Është çmenduri… tani mund ta shoh jetën time dhe të jem vërtet e lumtur me atë që kam ndërtuar”, tha ajo, duke shtuar me nota ironie se fëmijët i ka rritur pothuajse pa shumë ndihmë.

Deklarata është interpretuar nga mediat amerikane si një referencë ndaj Marc Anthony-t, me të cilin Lopez ishte e martuar nga viti 2004 deri në vitin 2014. Çifti ka dy fëmijë binjakë, Emme dhe Max, të lindur në vitin 2008.

Spekulimet janë shtuar edhe më shumë pas raportimeve se Anthony nuk ka qenë i pranishëm në ceremonitë e fundit të diplomimit të fëmijëve të tyre, çka ka nxitur diskutime mbi marrëdhënien e tyre si bashkëprindër pas divorcit.

Kjo nuk është hera e parë që Jennifer Lopez flet për sfidat e prindërimit pas ndarjes. Në intervista të mëparshme, ajo e ka përshkruar periudhën pas divorcit si një nga momentet më të vështira të jetës së saj, duke theksuar përgjegjësitë e shumta që mbante si nënë.

Ndërkohë, Marc Anthony vazhdon jetën e tij familjare me bashkëshorten aktuale, modelen paraguajane Nadia Ferreira, me të cilën ka zgjeruar familjen e tij. Deklaratat e fundit të Lopez kanë rikthyer vëmendjen te marrëdhënia e tyre dhe roli që secili ka pasur në rritjen e fëmijëve.