Ku hahet më mirë në Europë?

Ku hahet më mirë në Europë?

Në Itali, do të përgjigjeshim menjëherë, me një shpërthim krenarie italianët.. Dhe në fakt, kështu është, shkruan repubblica.it.

E thotë renditja e kryeqyteteve kulinare të Europës 2026 e Holidu, një portal evropian për rezervime akomodimesh turistike, e cila ka vendosur në podium tre qytete italiane: vendin e parë Roma, të dytin Venezia dhe të tretin Napoli.

Janë analizuar 100 qytete sipas pesë faktorëve: pjatat lokale dhe kombëtare më të njohura, food tour, disponueshmëria e kurseve të gatimit në TripAdvisor dhe restorantet Michelin në kategorinë “Eat Like A Local”.

Dhe Italia ka marrë një numër të madh vlerësimesh, duke i lënë të tjerët shumë pas.

Në Top 20 gjenden plot 9 qytete italiane.

Vendi i parë: Roma

Kryeqyteti italian kryeson studimin për numrin e kurseve të gatimit të disponueshme (302) dhe renditet i treti për food tour (112).

Në tavolinë, 12 pjata lokale kalojnë vlerësimin 4 yje në Taste Atlas, mes tyre Cacio e pepe, Bruschetta alla romana dhe Supplì, ndërsa ka edhe 63 pjata italiane të njohura në nivel kombëtar që mund të provohen në qytet.

Restorantet në kategorinë Michelin “Eat Like A Local” janë 9, më shumë se çdo qytet tjetër italian jashtë Venecias.

Vendi i dytë: Venezia

Venecia merr medaljen e argjendtë falë pranisë së saj të jashtëzakonshme në Guidën Michelin: qyteti lagunar ka 18 restorante në kategorinë “Eat Like A Local”, shifra më e lartë në gjithë studimin dhe dyfish më shumë se Roma.

Një rezultat që sfidon reputacionin e saj si qytet me “kurthe turistike”.

Pjatat lokale më të vlerësuara janë 7, mes tyre Capesante alla Veneziana dhe Carpaccio, dhe përmenden gjithashtu cicchetti, ato ushqime të vogla që shërbehen në bàcari-t tipikë venecianë.

Vendi i tretë: Napoli

Napoli udhëheq gjithë renditjen për numrin e specialiteteve lokale: plot 17 pjata, më shumë se çdo qytet tjetër.

Nuk është çudi, duke qenë vendlindja e picës, një nga ushqimet më të dashura në botë.

Qyteti ka 105 kurse gatimi në TripAdvisor (i treti më i lartë në Itali pas Romës dhe Firences) dhe 8 restorante Michelin në kategorinë “Eat Like A Local”.

Top 10 dhe qytetet e tjera evropiane

Në vendin e katërt renditet Istanbul, ndërsa Parisi është vetëm e pesta.

Në vendin e tetë është Madrid, ndërsa e nënta Budapest.

Lajmi i mirë është se në Top 20, përveç qyteteve në podium, ka edhe gjashtë qytete të tjera italiane:

Në vendin e 6-të Bologna, e njohur për tortellini, ragù dhe mortadella.

Në vendin e 7-të Milano, me 86 kurse gatimi dhe pjata si risotto alla milanese dhe kotoletta.

Në vendin e 10-të Firenze, kryeqyteti europian i food tour (129, më shumë se çdo qytet tjetër në studim)
Në vendin e 11-të Torino, një nga qytetet më të nënvlerësuara gastronomikisht

Në vendin e 16-të Genova, me pesto genovese dhe focaccia

Në vendin e 19-të Palermo, që mbyll përfaqësimin italian në Top 20

Madje edhe Londra renditet vetëm në vendin e 17-të.

“Ushqimi është bërë një nga arsyet kryesore të udhëtimit”, theksojnë autorët e studimit.