Kisha e Shën Kollit po ringrihet/ Objekti i kultit 7 shekullor në Zejmen të Lezhës u shemb në janar

I harruar nga institucionet e mbrojtjes së Trashgimisë, Kisha 7 Shekullore e Shën Kollit në Zejmen të Lezhës, po shpëton falë njerëzve të thjeshtë të cilët po mbështetësin me donacione rindërtimin e objektit të kultit

Kisha e Shën Kollit në Zejmen të Lezhës, e shembur në janar të këtij vitit do të rikthehet në identitetet.

Në kushtet kur institucionet e kulturës, heshtën dhe e lanë të rrëzohet, objekti i kultit i shekullit të 13-të do të ringrihet nën kujdesin e famullisë së zonës me donacione private.

KETU LAJMET MINUTE PAS MINUTE

Arkitekti Zef Çuni thotë se ndërhyrja ruan veçoritë arkitekturore të objektit.

"Mund të konservohen dhe duhet patur një ndërhyrje restauruese. Është e rëndësishme pasi këto janë kisha të vitit 1300, sëbashku me kishën e Pllasmit," tha ai.

Kisha e Shën Kollit në Zejmen të Lezhës, veç lidhjes shpirtërore ka rëndësi edhe historike.

Famullitari i Zejmenit Dom Pashk Ndoj, fton të gjithë ata që kanë mundësi që ti bashkohen nismës dhe të mbështesin financiarisht ringritjen e Objektit të kultit.

"Kisha ka një vlerë të lartë krishtere, sa i përket ripërtëritjes së këtij monumenti, banorët kanë shprehur dhe kanë dhënë kontributin për rimëkëmbjen e kësaj ndërtese.

Ftoj ata që kanë mundësi për të dhënë kontributin e tyre shpirtëror dhe financiar," tha Dom Pashk Ndoj, famullitar i Zejmenit.

Shembja e Kishës 7 shekullore të Zejmenit, është një tjetër dëshmi e dështimit të institucioneve për mbrojtjen e trashëgimisë kulturore.

EMISIONET