Ndryshojnë emergjencat natyrore/ Qeveria kërkon krijimin e një Komiteti Kombëtar të Kërkim-Shpëtimit

Qeveria ka vendosur të rishikojë skemën e menaxhimit të emergjencave natyrore.

Në projektligjin e ri kërkohet krijimi i një Komiteti Kombëtar të Kërkim-Shpëtimit dhe Inspektorati i Posaçëm për Funksionimin e Strukturave.

Në relacionin shoqërues theksohet se një veprim i tillë është urgjent duke parë dhe mungesën aktuale.

Në nenet e ndryshuara përcaktohen dhe rregullat e bashkëpunimit me shtetet e tjera si dhe procedurat që do të ndjekë Ministria e Mbrojtjes në rastet kur do të kërkohet ndihma.

Tërmeti i 26 nëntorit të 2019-ës me 51 viktima ishte rasti më i rëndë kur Shqipëria kërkoi ndihmë nga shtete të tjera për kërkim shpëtimin.

Por edhe në rastin e shuarjeve të zjarreve është parë e nevojshme marrja e mbështetjes nga emergjencat e Bashkimit Evropian.

Reagim i shpejtë është kërkuar edhe në rastet e përmbytjeve në Shkodër e në Lezhë, ku qindra shtëpi janë përmbytur.