Zelensky ngre alarmin në samitin e NATO-s: Evropa të forcojë mbrojtjen ndaj raketave balistike ruse!

Presidenti ukrainas, Volodymyr Zelensky u bëri thirrje aleatëve evropianë që t'i japin përparësi prodhimit të sistemeve raketore anti-balistike gjatë fjalës në samitin e NATO-s në Ankara, Turqi.

"E vetmja gjë që duhet të bëjmë ende këtu në Evropë është të ndërtojmë një mbrojtje të fortë kundër raketave balistike të Rusisë. Është një sfidë e madhe; ky është avantazhi i fundit i madh i Rusisë," tha Zelensky.

Udhëheqësi ukrainas e përshkroi gjithashtu kërcënimin e raketave balistike të Rusisë, si një çështje me rëndësi globale. Kjo pasi ato kanë bombarduar kryeqytetin e Ukrainës Kiev dhe kanë vrarë dhjetëra qytetarë në shumë raste që nga fillimi i pushtimit në shkallë të plotë të Rusisë në shkurt 2022.

"Ne tashmë e shohim njëri-tjetrin si partnerë të besueshëm dhe do të ishte e natyrshme të bëheshim pjesë e një komuniteti të përbashkët sigurie", i bëri thirrje Zelensky komunitetit evropian.