Zelensky falënderon Kanadanë për sanksionet e reja ndaj Rusisë: Mbi 160 subjekte në shënjestër të “flotës në hije”

Presidenti i Ukrainës, Volodymyr Zelensky, ka falënderuar Kanadanë për paketën e re të sanksioneve të vendosura ndaj mbi 160 subjekteve të lidhura me të ashtuquajturën “flotë në hije” të Rusisë.

Në një reagim në rrjetin social X, Zelensky ka vlerësuar vendimin e Otavës, duke e konsideruar një hap të rëndësishëm në rritjen e presionit ndaj ekonomisë ruse të luftës.

Ai ka bërë të ditur se gjatë takimit me përfaqësuesin kanadez Mark Carney janë diskutuar masa të reja për forcimin e sanksioneve ndaj Moskës, si edhe bashkëpunimi në fushën e mbrojtjes.

Sipas tij, në bisedime është përfshirë edhe mundësia e pjesëmarrjes së Kanadasë në financimin e prodhimit të dronëve ukrainas, si dhe zgjerimi i bashkëpunimit në sektorin e energjisë dhe rimëkëmbjes së vendit.

Zelensky ka vlerësuar gjithashtu mbështetjen e vazhdueshme të Kanadasë në kuadër të takimeve G7-Ukrainë, duke e cilësuar atë si një aleat të rëndësishëm në këtë proces.