Suedi: Një ish-ushtarak dyshohet për spiunazh ndaj Rusisë!

Autoritetet prokuroriale në Suedi kanë ngritur akuza ndaj një burri 34-vjeçar, i dyshuar për tentativë spiunazhi në favor të Rusisë, ka njoftuar zyra e prokurorisë së vendit nordik.

Sipas deklaratës zyrtare, i dyshuari ka shërbyer më parë në forcat e armatosura suedeze, ku kishte akses në informacione të klasifikuara me nivel të lartë sekret.

Prokurori suedez Mats Ljungqvist bëri të ditur se rasti lidhet me një udhëtim të dyshuar të të pandehurit drejt Moskës në nëntor 2025, ku ai dyshohet se është takuar me përfaqësues të shërbimeve ruse të inteligjencës dhe sigurisë.

“I dyshuari u përpoq të zbulonte informacion duke udhëtuar në Moskë dhe duke u takuar me përfaqësues të shërbimit rus të inteligjencës”, thuhet në deklaratën e prokurorisë.

Ambasada e Rusisë në Stokholm nuk ka reaguar menjëherë ndaj këtyre akuzave.

Sipas autoriteteve, i akuzuari ndodhet në paraburgim që nga janari dhe pritet të dalë në gjyq në Stokholm më 15 qershor. Rasti po konsiderohet si një nga hetimet më serioze të sigurisë në Suedi në lidhje me spiunazhin e dyshuar.

Procesi gjyqësor pritet të hedhë më shumë dritë mbi pretendimet dhe provat e mbledhura nga prokuroria suedeze.