New York Times: Rusia po importon teknologji perëndimore për armë

Rusia po importon teknologji nga Perëndimi përmes Armenisë, Kazakistanit dhe vendeve të tjera, duke anashkaluar efektivisht sanksionet. 

Kjo është raportuar nga New York Times duke cituar të dhënat që zyrtarët amerikanë dhe evropianë kanë shkëmbyer në një nga takimet e tyre të fundit në fund të marsit.

Ajo që shqetëson Shtetet e Bashkuara dhe Bashkimin Evropian është fakti se Rusia është në gjendje të importojë disa kategori të ndjeshme, vendimtare për zhvillimin e armëve. 

Sekretari i përgjithshëm i NATO-s, Jens Stoltenberg, në lidhje nga Brukseli me Konferencën e 18-të vjetore të Aleancës për kontrollin e armëve, çarmatimin dhe mospërhapjen e armëve të shkatërrimit në masë në Uashington deklaroi se Rusia është kërcënimi më i madh për sigurinë tonë.

"Kremlini ka vendosur të përmbysë rregullat ndërkombëtare për armët, duke kërcënuar se do të përdorë ato bërthamore. Kjo është sjellje e papërgjegjshme, por nuk na frikëson", shtoi sekretari i përgjithshëm.

lufta ne ukraine rusia